Xəbər lenti
AzTV-də Alışanovla bağlı sərəncam niyə oxunmadı?
Azərbaycan Televiziya və Radio Verilişləri Qapalı Səhmdar Cəmiyyətinin sədri Arif Alışanov vəzifədən azad edilməsi ilə bağlı bu gün Prezident İlham Əliyevin imzaladığı sərəncam AzTV-nin əsas xəbər buraxılışında səsləndirilməyib. Bu isə sosial şəbəkələrdə və mediada birmənalı qarşılanmayıb.
Bu barədə kult.az-a məlumat verən AzTV-dəki mənbə bildirib ki, sərəncamın oxunmaması adi peşə etikasıdır və burda hansısa məqam axtarmağa ehtiyac yoxdur.
“Bütün informasiya resursları bu məlumatı tirajlayıb. AzTV-nin bunu səsləndirməməsi isə sırf peşə əxlaqı ilə bağlıdır. AzTV sədrinin vəzifədən azad edilməsi barədə Prezident sərəncamının dövlət televiziyasının əsas xəbər buraxılışında səsləndirilməməsinə yalnız bu prizmadan yanaşmaq lazımdır. Bu, bütün media resurslarında qəbul olunan peşə qaydasıdır”, - mənbə bildirib.
Xatırladaq ki, A.Alışanov 2005-ci ildə Azərbaycan Teleradio Verilişləri QSC-nin sədr müavini, 16 avqust 2006-cı ildə isə sədri vəzifəsinə təyin edilib. O, ötən gün Prezidentin sərəncamı ilə vəzifədən azad edilib.
AzTV sədrinin səlahiyyətlərini gənc və tanınmış jurnalist Rövşən Raqifoğlu icra edir. O, bu gün AzTV sədrinin müavini vəzifəsinə təyin olunub.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar