.png)
Xəbər lenti
İsa Qəmbər: "Yanvarın 6-da AXC-nın konfransında proqnoz vermişdim ki…" - VİDEO
Sosial şəbəkələrdə Azərbaycan Xalq Cəbhəsinin qurucularından olan, Müsavatın sabiq başqanı İsa Qəmbərin 20 Yanvar faciəsi ilə bağlı ANS-in Qızıl Fondunda saxlanılan müsahibəsi yayılıb.
Manevr.az xəbər verir ki, İsa Qəmbər vaxtilə Azərbaycanın Milli Qəhrəmanı, mərhum telejurnalist Çingiz Mustafayevin suallarını cavablandırarkən bu haqda danışıb. İsa Qəmbər jurnalistin "Hələ ayın 19-dan əvvəl Bakıya daxil olan hərbi qoşunların qarşısının kəsilməsi üçün piketlərin keçirilməsi haqqında Xalq Cəbhəsi və ya digər partiyaların hansısa qərar olmuşdumu?" sualını cavablandırıb:
"Xalq Cəbhəsinin bu barədə hansısa qərarı yox idi. Bunu da mən tam rəsmi şəkildə bildirə bilərəm. Çünki elə olmazdı ki, Xalq Cəbhəsi hansısa qərar qəbul etsin, amma mənim bundan xəbərim olmasın. Mən bilən, başqa heç bir təşkilatın da bu barədə qərarı yox idi.
Sadəcə olaraq, bir növ camaatın öz təşəbbüsü idi. Cəmiyyətin özünütəşkil prinsipləri əsasında həyata keçirilən bir tədbir idi. Vəziyyət mürəkkəb idi. Ayın 15-də Qarbaçov fərman vermişdi ki, Dağlıq Qarabağda hərbi vəziyyət elan edilir. Həmin fərmanın bəndlərində qeyd olunurdu ki, Azərbaycanın böyük şəhərlərində, o cümlədən Bakıda, Gəncədə hərbi vəziyyətin tətbiq edilməsinə dair Azərbaycan rəhbərliyi öz mövqeyini bildirsin. Sözsüz ki, əhalidə narahatlıq yaranmışdı.
Sonradan hərbi hissələr Azərbaycana doğru gəlməyə başlayanda, Bakının özündə hərbi hissələrin fəallaşması hiss olunanda, camaatda sual yaranmışdı ki, bu hərəkatın məqsədi nədir? O günlər SSRİ DTK-sının rəhbərlərindən olmuş, şərqşünas, sovet dövlət xadimi Yevgeni Primakovla və bir çox rəhbər şəxslərlə söhbətimiz olmuşdu.
Orda da heç kim açıq deməmişdi ki, məqsədləri nədir. Soruşanda ki, bu ordu niyə bəs hərəkətə gəlib, hara gedir, iddia edirdilər ki, Bakıdan keçib Qarabağa gedəcəklər.
Biz onlara dedik ki, axı Qarabağa getmək üçün Bakıdan keçməyə ehtiyac yoxdur, başqa yolla getmək olar. Bu sualımıza da cavab tapmırdıq. Bizə də nəzəri cəhətdən aydın idi ki, məqsəd Bakını tabe etmək, demokratik hərəkatı məhv etməkdir. DTX çox vaxt bizimlə faciənin səbəbləri haqqında mübahisə edirdi. Yəqin onlarda bizim çıxışlarımızın hamısının surəti var".
İsa Qəmbər bildirib ki, Xalq Cəbhəsinin 1990-cı ilin yanvarın 6-da keçirilən konfransındakı çıxışında hadisələrin gedişatını göstərib:
"Açıb görsünlər mən orda hansı proqnozlar vermişəm. Hadisələrin inkişafını necə göstərmişəm. Təəssüf ki, həmin nəzəri proqnozlar hamısı həyata keçirilib”.cebhe.info
Manevr.az
Aylin
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Kriminal
Şou-biznes
Yazarlar
Emil Rasimoğlu
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Sorğu
Portalımızı dəyərləndirin.
Çox oxunanlar