Xəbər lenti
"Əxlaqsızlar efirə çıxıb, həyat dərsi keçir" - Nura Suri
Müğənni Nura Suri aparıcıları və kanalları tənqid edib.
Manevr.az axşam.az-a istinadən xəbər verir ki, o, bununla bağlı "Facebook" hesabında paylaşım edərək, efirin pulla bayağı müğənnilərə satıldığını yazıb:
"Sonra da deyirlər niyə şou-biznesdə durğunluq yaranır, bayağı musiqi çoxalır? Guya, sənəti, səviyyəli musiqini başa düşən qalıb ki? Zövqlü, intelektual insanlar tükənmək üzrədir. Efir də elə bil toyxanadır. Kim pul verir, o da efirdədir. Efirini pula satıb, özünə layiq bildikləri qonaqları dəvət edirlərsə, burada danışılası, deyiləsi söz qalmır. İnsan özünə, verilişinə, dediyi sözə hörmət qoyar. Səviyyəli veriliş edin, sponsorlardan qazanın. Qonaqdan pul alıb, hər yerindən duranı niyə insanlara yedirtmək istəyirsiniz ki?
Niyə tamaşaçıya, dinləyiciyə hörmət qoymursunuz? Sabah heç kəs səviyyəli işə pul verməyəcək, savadlı aranjiman etməyəcək, klip çəkdirməyəcək. Elə pulu verib efirə çıxacaq, insanlara yuxarıdan aşağı baxacaq, tamaşaçını da aparıcını aldığı kimi tərbiyəsizliyi ilə əzəcək.
Xarici ölkələrdə kanalların öz qrim ustaları, modelyerləri var. Əgər gələn qonağın geyimi və makiyajı zövqsüzdürsə, anında dəyişib efirə buraxırlar. Özlərinə və tamaşaçıya hörmət qoyurlar. Biz bu gedişlə hara gedirik?"
Suri bildirib ki, həmin insanların adlarını da yazacaq:
"Ətraflı yazıb, adlarını da qeyd edəcəyəm. Bəsdirin, insanları gic yerinə qoymayın. Əxlaqsızlar efirə çıxıb, əxlaqdan danışır, həyat dərsi keçirlər. Yeni nəslin zövqünü pozurlar. Öz səviyyələrinə uyğun insanların təbliği ilə məşğuldurlar. Vətən sözünün mənasını bilməyənlər vətənpərvərlikdən dəm vururlar. Sənətkarlar, illərini bu sənətə qurban verən ifaçılar kənarda qalıblar, utandıqlarından efirə çıxmırlar. Çünki efirə sənətkar dəvət edəndə mütləq yanına pul verib efirə çıxan birini qoşurlar. Pulu verən özü sifariş edir ki, bizi səviyyəli müğənnilərlə efirə salın".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar