Xəbər lenti
"10 gündə 30 həkim mənə iynə vurdu" - Dilqəm Əsgərovdan məktub gəlib
Beynəlxalq Qızıl Xaç Komitəsinin nümayəndələri işğal Ermənistanın Qarabağda girovluqda saxladığı Dilqəm Əsgərov və Şahbaz Quliyevə növbəti dəfə baş çəkiblər.
Bu barədə Koordinat.az-a Dilqəm Əsgərovun oğlu Kürdoğlu Əsgərov bildirib. O qeyd edib ki, Beynəlxalq Qızıl Xaç Komitəsinin nümayəndələri 50 günlük fasilədən sonra kəlbəcərli girovlarla görüşüblər. Dilqəm Əsgərov Beynəlxalq Qızıl Xaç Komitəsinin nümayəndələri vasitəsilə ailəsinə yazdığı məktub səhhətinin ağır olduğunu deməyə əsas verir.
"Salam. Məktubunuzu aldım. Yaxşı heç nə yoxdur yazam. Bu 10 gündə 30 dənə həkim iynə vurdu. Qızıl Xaçın həkimlərindən xəbər yoxdur" deyə, Dilqəm Əsgərov məktubda qeyd edib.
O, həmçinin "Kəlbəcərlilərin məni axtaran, axtarmayan - hamısının bayramını təbrik et" yazıb.
Xatırladaq ki, Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev 2014-cü ilin iyul ayında Kəlbəcərdə öz ata-baba yurdlarını ziyarət edərkən Ermənistan əsgərləri tərəfindən girov götürülüblər, Azərbaycan vətəndaşı Həsən Həsənov isə güllələnərək öldürülüb. İşğal altındakı Dağlıq Qarabağda Dilqəm Əsgərov və Şahbaz Quliyev üzərində qurulan qanunsuz “məhkəmə”nin qərarı ilə Dilqəm Əsgərov ömürlük, Şahbaz Quliyev isə 22 il müddətinə azadlıqdan məhrum edilib.Beynəlxalq təşkilatlar kəlbəcərli girovların azadlığa buraxılması istiqamətində indiyədək heç bir əməli iş görə bilməyib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar