Xəbər lenti
Ağstafada şəhid adına sayğısızlıq... - FAKT
Ağstafada şəhidlərin xatirəsinə tikilən bulaqlar baxımsız vəziyyətdir.
Bu barədə rayon sakinlərinin göndərdiyi şikayət məktubunda qeyd edilib. Sakinlər bildirirlər ki, Ağstafada 1992-ci ildə Ballı Qayadakı döyüşlərdə həlak olan şəhid Natiq Sədiyevin xatirəsinə tikilən bulaq yararsız hala düşüb. 20 Yanvar şəhidləri üçün tikilən bulağın üzərindən isə şəhidlərin fotosunun götürüldüyü və oranın zibillər toplanan yerə çevrildiyi qeyd edilib.
Məsələ ilə bağlı saytımıza açıqlama verən Ağstafa rayon İcra Hakimiyyətinin Memarlıq və tikinti şöbəsinin müdiri Sənan Mustafayev bildirib ki, 20 Yanvar şəhidlərinin xatirəsinə tikilən bulaq artıq yeni ünvana köçürülüb:
“20 Yanvar şəhidlərinin xatirəsinə həsr olunmuş bulağın əvvəlki yeri 7 nömrəli dəmiryolu distansiyasının binasında olub. Daha sonra Nazirlər Kabinetinin qərarı ilə həmin bina Ağstafa RMX-nin Uşaq xəstəlikləri şöbəsinə verilib. Bu səbəbdən 7 nömrəli dəmir yolu distansiyası Rafiq Azərov küçəsində yolun sol tərəfinə, Dəmir Yolları QSC-ə məxsus binaya köçürülüb və həmin bulaq da distansiyanın şəxsi imkanları hesabına yeni ünvandadır”.
İcra nümayəndəsi 1992-ci ildə şəhid olan Natiq Sədiyevin adına olan bulağın isə yeni ünvana köçürülməsi məsələsinin gündəmdə olduğunu qeyd edib:
“Natiq Rəhim oğlu Sədiyevin adına olan bulaq yaşayış binasının həyətində vətəndaşların öz hesabına tikilib. Amma həmin yer bulaq üçün uyğun deyil. Çünki bulağa su vermək üçün Ağstafa şəhərinin su şəbəkəsinə su verilməlidir. Biz ora su versək, bu zaman sakinlər suyu başdı-başına buraxacaq, bu da həm israfa, həm də antisanitar şəraitin yaranmasına səbəb olacaq. Bulağın başqa ünvanda yenidən tikilməsi məsələsi planımızda var”. axar.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar