Xəbər lenti
Araşdırmaçı jurnalist İvan Qolunovun həbsində əli olan polis işçiləri həbs edilib
Rusiyanın İstintaq Komitəsi çərşənbə günü tanınmış araşdırmaçı jurnalistin mübahisəli narkotik maddə alveri ittihamı ilə bağlı həbsində əli olan beş keçmiş polis işçisini nəzarət altına alıb.
37 yaşlı İvan Qolunov 2019-cu ilin iyun ayında Moskvada narkotik maddə alverçisi ittihamı ilə həbs edilmişdi. O, ona qarşı irəli sürülən ittihamı rədd edərək, bu itthamın Moskvanın hüquq-mühafizə orqanlarında korrupsiyaya dair araşdırmalarına görə qisas almaq üçün irəli sürüldüyünü, evində və çantasında aşkar edilən narkotik maddələrin polis tərəfindən yerləşdirildiyini deyib.
Qolunovun həbsindən sonra Rusiyanın paytaxtında bir neçə gün davam edən etirazlar hökumətin ittihamları dəstəkləyəcək bir dəlil olmadığını etiraf etməsindən sonra başlamışdı. Qolunov və onun “Meduza” onlayn şəbəkəsindəki həmkarları həbsi təşkil edənləri məsuliyyətə cəlb edəcəklərinə söz vermişdi.
Çərşənbə günü həbsləri Qolunovun sərbəst buraxılmasından təxminən yeddi ay sonra həyata keçirilib. İstintaq Komitəsindən verilən məlumata görə, hazırda beş keçmiş zabit dindirilir.
Qolunov bu yaxınlarda polisin istintaqı ləngitdiyindən şikayət etmişdi. Noyabr ayında o, polisi “hərəkətsizliyə” görə məhkəməyə versə də, heç bir irəliləyiş əldə edə bilməmişdi.amerikaninsesi.org
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar