Xəbər lenti
Azərbaycanda deputatlığa namizəd azadlığa buraxıldı
Dələduzluqda ittiham edilərək həbs edilən deputatlığa namizəd olmuş şair Əli Hacı Ağaevli azadlığa çıxıb.
Manevr.az məlumatına görə, Əli Hacı Ağaevli saxlandığı Bakı İstintaq Təcridxanasından cəza müddəti başa çatdığı üçün azadlığa buraxılıb.
Qeyd edək ki, Ə.Ağaevli və Fuad Kərimov zərərçəkmiş Qabil Mehdiyevdən yarım milyon manata yaxın pul alaraq dələduzluq yolu ilə mənimsəməkdə ittiham olunurlar.
Lakin təqsirləndirilən şəxslər ittihamları qəbul etməyib.
Bakı Ağır Cinayətlər Məhkəməsinin hökmü ilə Əli Hacı Ağaevli 7 il, Fuad Kərimov 5 il müddətinə azadlıqdan məhrum ediliblər. Hər iki şəxs məhkəmə zalından həbs edilib.
Bakı Apelyasiya Məhkəməsində Əli Hacı Ağaevlinin cəzası 6 il azaldırılaraq barəsində qəti olaraq 1 il azadlıqdan məhrum etmə cəzası saxlanılıb.
Xatırladaq ki, 2015-ci ildə Əli Hacı Ağaevlinin 34 saylı Xətai ikinci seçki dairəsindən deputatlığa namizədliyi irəli sürülüb və qeydə alınıb. O, “Hüquq, İqtisadiyyat və Sosial Tədqiqatlar” İnstitutunun direktoru, Dünya Azərbaycanlıları Konqresinin Məşvərət Məclisi sədrinin birinci müavini olub. "Varlıq” qəzetinin təsisçisi və baş redaktoru olub. 1996-1998 ci illərdə “Varlıq” şirkətinin prezidenti kimi fəaliyyət göstərib. O, eyni zamanda şairliklə məşğul olur, bir neçə şeir kitabı çap olunub.
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar