Sizin Reklam Burada
Xəbər lenti
12 noyabr
11 noyabr
10 noyabr
BÜTÜN XƏBƏRLƏR

Ərəb turistlər Azərbaycandan üz döndərir?

Tarix: 26-09-2019 19:25     Baxış: 336 A- / A+
Ərəb turistlər Azərbaycandan üz döndərir?


"Bu gün Azərbaycanda ərəb turistlərinin qalıcılığına şərait yaradan səbəb Bakının Dubaya bənzəməsidir. Bu onlar üçün çox önəmlidir. Bakı Dubaya bənzəyir, onlar bura gələndə özlərini yad hiss etmir".

Manevr.az xəbər verir ki, bu sözləri EkoNews-a açıqlamasında turizm eksperti Əziz Şiriyev deyib.

Ekspert ərəb turistlərin ölkəmizə gəlməsinin səbəblərindən danışıb:

Ərəb turistlər Azərbaycandan üz döndərir?


"Burda çox məqamlar var. Statistika onu göstərir ki, Azərbaycana turistlər 2015-ci ildən gəlməyə başlayıb. Bu da Azərbaycan turizmində bir inkişaf tendensiyası oldu. Ərəb ölkələrindən gələn turistlərin başlanğıcını iraqlı turistlər qoyub. Onlar Azərbaycana "back to back", yəni arxa-arxaya gəlib, bir həftə qalırdılar. Ümumiyyətlə, bu ölkədən gələn turistlər "back to back" prinsipi ilə və həm də əsasən kişilər gəlir. Bundan sonra digər ərəb ölkələrindən - Səudiyyə Ərəbistanı, Birləşmiş Ərəb Əmirliklərindən daha zəngin, şeyx ailələrindən olan turistlər gəlməyə başladı. Onlar Azərbaycana Avropanı, Amerikanı, Türkiyəni, Gürcüstanı səyahət etdikdən sonra gəliblər. İndi isə növbəti dayanacaqları digər ölkələr - Qazaxstan, Ukrayna və başqalarıdır. Onların qalıcı olmamasının səbəbi bir ölkəni ikinci dəfə gəzməyə maraqlı görünməməsidir. Ümumiyyətlə, turizmdə sifarişçi tərəf səyahət edən şəxs sayılır. Burda da sifarişçi tərəf onlar olduğu üçün istədikləri ölkəyə getməyi özləri seçirlər. Bakının Dubaydan üstünlüyü isə odur ki, paytaxtımız küləklər şəhəridir, badü-kübədir, buranın sərinliyi Dubayda yoxdur. Dubay isə səhra üzərində salınmış şəhərdir, günorta bayır isti, evdə havalandırma sistemi... Bu, xəstəlikdən başqa bir şey deyil. Burda hava onlar üçün normaldır. Gəzəmək, əylənmək, alış-veriş etmək üçün də kifayət qədər şərait var. Azərbaycanda onlar ən çox Şəkidə, İçərişəhərdə, Dəniz Kənarı Milli Parkda, Qəbələdə gəzməyi çox sevirlər".

Əziz Şiriyev digər ölkələrdən olan turistlərin də ölkəmizə maraq göstərdiyini bildirib:

"Bu gün Azərbaycana turist axını ən çox Avropa və Çindən gəlməyə başlayıb. Almanlar, italyanlar, ingilislər, çinlilər, koreyalılar ölkəmizlə daha çox maraqlanır. Turizm bazarı artıq seqmentləşib, şirkətlər arasında rəqabət başlayıb. O şirkətlərdən bəzisi daxili, bəzisi xarici bazara, bəziləri isə gəlmə bazara işləyir. İncomingə işləyən şirkətlər arasında ərəblər, Hindistan, Çin, Pakistan bazarı ilə işləyənlər var. Hər şirkətin öz seqmenti var. Heç bir şirkət digərinin bazarına daxil ola bilməz".

Ekspert onu da əlavə edib ki, turizm bazarında müsbət canlanma, inkişafla bərabər, neqativ hallara da rast gəlmək olur:

"Bu, xidmət sahəsində, xüsusilə restoran sistemində olan zəiflik, menyülərdə, qiymətlərdə olan fərqlilik və s. hallarla özünü göstərir".

Xatırladaq ki, Dövlət Turizm Agentliyinin ictimaiyyətlə əlaqələr şöbəsinin rəhbəri Kənan Quluzadə bundan sonra Azərbaycana ərəb turistlərin axınının kəskin azalacağını deyib.








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının ilk hərfini yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Noyabr 2019    »
BeÇaÇCaCŞB
 123
45678910
11121314151617
18192021222324
252627282930 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar