Xəbər lenti
Avtobus qapısı açıq vəziyyətdə sərnişin daşıyır - VİDEO
İçərisi sərnişinlə dolu olan avtobus qapısı açıq şəkildə hərəkət edir. Avtobusda normadan artıq sərnişin olduğundan açıq qapıdan sallaşanlar da var...
Görüntülər iki gün əvvəl axşam saatlarında Zabrat yolunda çəkilib. Sərnişindaşıma qaydalarının pozulduğu avtobus 216 saylı marşrut xəttinə aiddir. Həmin avtobuslar metronun "Koroğlu" stansiyasından Balaxanı qəsəbəsinə sərnişin daşıyır. Avtobus sürücüsünün yol verdiyi qayda pozuntusu sərnişinlərin narazılığına səbəb olub. Bəzi sərnişinlər xüsusən pik saatlarda avtobusların bu cür dolu olduğunu deyirlər.
216 saylı xəttin sürücüləri sərnişinlərin bu iddiaları ilə razılaşmırlar. Onlar bildirirlər ki, bir çox hallarda sərnişinlər qapını açıq sürməyə məcbur edirlər. Etiraz bildirəndə isə mübahisə yaranır.
Məsələ ilə bağlı daşıyıcı şirkətdən bildirildi ki, həmin sürücüyə töhmət verilib və sürücülərə bir daha belə hallara yol verməmələri tapşırılıb. Daşıyıcı şirkətdən o da bildirildi ki, həftənin birinci günündən etibarən xətdə olan avtobusların sayı artırılacaq. Pik saatlarda interval 8 dəqiqədən 5 dəqiqəyə endiriləcək.
Bakı Nəqliyyat Agentliyindən isə bildirildi ki, məsələ araşdırılacaq və sözügedən daşıyıcı şirkət quruma dəvət ediləcək. Belə halların təkrarlanmaması üçün tapşırıqlar veriləcək.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar