_99.jpg)
Xəbər lenti
Alimlərə veriləcək torpaq sahəsində tikintiyə icazə verilməyəcək
Xəbər verdiyimiz kimi, Azərbaycan Milli Elmlər Akademiyasının (AMEA) işçilərinə bağçılıq-bostançılıq məqsədilə müvəqqəti istifadə üçün torpaq sahəsi ayrılacaq.
Bu barədə AMEA Rəyasət Heyəti qərar verib.
Rəyasət Heyətinin iclasında "AMEA əməkdaşlarına bağçılıq-bostançılıq məqsədilə müvəqqəti istifadə üçün torpaq sahəsinin ayrılması və ondan istifadə olunması Qaydaları" haqqında sənəd təsdiq edilib.
O zaman torpaq sahəsi konkret olaraq kimlərə veriləcək?
Həmin ərazidə tikinti işlərinə nə zaman start verilə bilər?
Manevr.az xəbər verir ki, modern.az bu və ya digər suallara cavab öyrənməyə çalışıb.
AMEA-nın İşlər İdarəsi müdirinin müavini Sərdar Əliyev açıqlamasında mövzuya bir qədər geniş formada aydınlıq gətirib.
“Azərbaycan Milli Elmlər Akademiyasının böyük torpaq sahəsi var. 1700 hektarlıq həmin torpaq sahəsi Xızıda yerləşir. Uzun illərdir ki, həmin torpaq sahəsindən istifadə çətinliyi yaranıb. Belə ki, yaxınlıqda yaşayış məntəqəsi olmadığına görə ora işçi təminatını həyata keçirə bilməmişik. Ona görə də belə nəticəyə gəlindi ki, həmin əraziyə öz əməkdaşlarımızı cəlb edək. Əsas məqsəd torpağın becərilməsi və torpağa yaxınlaşmaqdır”.
Sərdar Əliyev torpaq sahəsində heç bir tikintiyə icazə verilməyəcəyini söyləyib.
“Tutaq ki, hansısa işçiyə 10 sot torpaq sahəsi ayrılıb. Həmin işçi yay aylarında ailəsini də götürüb orada təsərrüfatla məşğul ola bilər. Amma həmin ərazidə işçilərin ev tikməsinə, ərazini hasara almasına icazə verilməyəcək. Çünki bizim bağ verməyə ixtiyarımız yoxdur. Bu ancaq dövlət səviyyəsində ayrıla bilər. Sadəcə çardaq qurmağa icazə var”.
AMEA-nın rəsmisi, torpaq sahəsinin verilməli olduğu institutlardan da söz açıb.
“Bu, bir sosial addımdır. Gələcəkdə təsərrüfat genişlənəcək. Biz bütövlükdə torpağı istifadəyə verə bilmərik. Ərazi institut üzrə bölünəcək. Əsas üstünlüyü kənd təsərrüfatı ilə əlaqəli institutlarımıza verməyi düşünürük”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar