Xəbər lenti
Demoqrafik vəziyyət gələcək inkişafı şərtləndirir – Deputat
Demoqrafik vəziyyətin yaxşı olması ölkəmizdə müşahidə edilən iqtisadi inkişaf və həyata keçirilən sosial siyasətlə bağlıdır. Ölkəmizdə əhalinin sayı dinamik olaraq artmaqdadır. Bu, bütövlükdə milli strateji maraqlar kontekstində mühüm bir hadisədir.
Bu sözləri teleqraf.com-a açıqlamasında Milli Məclisin deputatı Hikmət Babaoğlu deyib.
Onun sözlərinə görə, hazırda dünyada, o cümlədən qonşu ölkələrdə demoqrafik problemlər var: “Qloballaşma əhalinin sayının artmasına mənfi təsir göstərməklə yanaşı, həm də miqrasiyaya yol açır. Beləliklə əhalinin sayı azalır və nəticə etibarilə iqtisadi inkişafı təmin edə biləcək əmək resursları məhdudlaşmış olur. Bu isə milli inkişafın perspektivlərinə həm iqtisadi, həm də strateji müstəvidə mənfi təsir göstərir. Ancaq ölkəmizdə əhalinin say artımı stabil və dinamikdir. Yəni hər il stabil olaraq artmaqdadır”.
Deputat hesab edir ki, bu, ilk növbədə Azərbaycanda mövcud olan iqtisadi inkişaf və aparılan sosial siyasətlə əlaqədardır: “Çünki rifah olmayan ölkədə əhali artımını təmin etmək mümkün deyil .Ona görə də Azərbaycan Prezidenti cənab İlham Əliyev haqlı olaraq əhali artımını məhz bu faktorla izah edərək bildirdi ki, ölkədə demoqrafik vəziyyət normaldır. Bu isə sosial rifahın inkişafı ilə bağlıdır. Bildiyiniz kimi, müasir dövrdə gənclər ailə həyatı qurarkən ailə planlaşdırılması aparırlar. Burada da əsasən ailə büdcəsi və ailə planlaşdırılması düz mütənasiblik təşkil edir . Yəni dünyaya gələcək uşaqlar ailə büdcəsi nəzərə alınmaqla planlaşdırılır . Düşünürəm ki, demoqrafik vəziyyətin yaxşı olması ölkəmizdəki müşahidə olan iqtisadi yüksəlişlə bağlıdır və bu da millətimizin gələcək inkişafını şərtləndirir”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar