Xəbər lenti
“Əliyev Paşinyanı məğlub etdi” – Köçəryandan sensasion müsahibə
Ermənistanın həbsdə olan keçmiş prezidenti Robert Köçəryan “168 Saat” qəzetinin suallarını cavablandırıb.
Manevr.az xəbər verir ki, Köçəryan erməni nəşrinə müsahibəsində Ermənistan-Azərbaycan münaqişəsi və İrəvan-Moskva münasibətlərinə dair ilginc fikirlər səsləndirib.
Həmin müsahibədən bəzi məqamları təqdim edirik.
Ermənistan Baş naziri Nikol Paşinyanın Dağlıq Qarabağ münaqişəsi ilə bağlı siyasəti haqda:
“Paşinyan gizlətmirsə, Dağlıq Qarabağ münaqişəsi üzrə danışıqlar davam etməlidir. İndi müzakirələrdən yox, bu prosesdə baş nazirin hansı yerdə dayanmasından söhbət gedir. Cəmiyyət hələlik yeni hökumətin Qarabağla bağlı hansı siyasəti yürütdüyünü bilmir, bu isə narahatlıq yaradır. Konkret mövqe olmadan uğurlu müzakirə aparmaq mümkündür? Görüş xatirinə müzakirə aparmaq yox, nəticə əldə etmək üçün müzakirə aparmaq lazımdır. Yəni, dövlət rəsmiləri müzakirələrə başlamazdan əvvəl öz mövqeyini müəyyən etməlidir”.
Azərbaycan Prezidenti İlham Əliyev və Nikol Paşinyanın Düşənbə görüşü haqda:
“Azərbaycan prezidenti ilə Düşənbədəki görüş təmas xəttindəki mövqeyimizi gücləndirmək üçün Vyana və Sankt-Peterburq görüşlərində əldə etdiyimiz anlaşmaların üzərindən xətt çəkdi. Baş nazir bu görüşdə bizi ona görə pis vəziyyətə saldı ki, təcrübəsiz və məlumatsızdır, bu, böyük xətadır. Buna görə də Əliyev Paşinyanı məğlub etdi və irəliyə doğru böyük addım atdı”.
Qarabağla bağlı “Bolton planı” haqda:
“Heç nəyi nəzərdən qaçırmaq lazım deyil. Harada olmağımdan asılı olmayaraq, Qarabağın təslim edilməsinə müdaxilə edəcəyəm. Çünki ermənilər üçün Qarabağın nə məna kəsb etdiyini bilirəm. Baş nazir və komandasının isə erməni kimliyi yoxdur. Onlar Qarabağın müstəqilliyi və qələbə üçün mübarizə aparmırlar, bunu edənlərə də nifrət edirlər. Cəmiyyət baş nazirin bir-birinə zidd bəyanatlarını görməlidir”.
Ermənistan-Rusiya münasibətləri haqda:
“Hökumət Rusiya ilə münasibətlərin normallaşacağına inanır. Lakin hökumətin yanlış xarici siyasəti ciddi problemlərə, qarşılıqlı etimadın itməsinə yol açacaq. Təəssüf ki, Rusiyanı yaxşı tanımayan Sorosun şagirdləri ilə məşğul oluruq”.
Siyasətə qayıdacağı haqda:
“Bu təzyiq altında da plan və məqsədlərimdən imtina etməmişəm”.
Qeyd edək ki, 2008-ci il martın 1-də İrəvanda keçirilmiş dinc aksiyada iştirak edənlərə odlu silahlardan atəş açmaq əmri verməkdə ittiham olunan Robert Köçəryan həbs edilib. Yaxın vaxtlarda onun məhkəmə qarşısına cavab verəcəyi bildirilir.teleqraf.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar