Xəbər lenti
Rəsul Quliyev rus qadınla yayılan videosundan danışdı
Eks-spiker: “Bu hadisə 42-43 il bundan öncə olub”
Amerikada mühacir həyatı yaşayan eks-spiker Rəsul Quliyevin günlər öncə yayılan videosu gündəmdən düşmür. Video-süjet tənqidi xarakterlidir və ətraf mühiti çirkləndirən zavod rəhbərliyini hədəfə alıb. 22-ci qurultay adına zavodu videoda göstərilən tədbirdə o zaman baş mühəndisin təbiəti mühafizə üzrə müavini R.Quliyev təmsil edir.
Görüntülərdə açıq şəkildə görünür ki, gənc görünüşlü Rəsul Quliyev Yelena Zamaryonovanın qumbren iddiası qarşısında çalışdığı zavodu müdafiə etməyə çalışır.
Yayılan video ilə bağlı R.Quliyevin mövqeyini öyrəndik. Sabiq spiker “Yeni Müsavat”a bunları dedi: “Bu hadisə 42-43 il bundan öncə olub. Əgər siz videonu bütövlüklə göstərsəydiniz, məndə müəyyən bir fikir formalaşardı. Sovet dövründə Kommunist Partiyasının icazəsi ilə iki tipli intervülərə icazə verilirdi. Birincisi, partiya kiminsə ”evini yıxmaq" istəyirdisə, onun əleyhinə kimlərisə danışdırırdılar. İkincisi, məsələn, zavodun direktorunu və ya naziri çıxarmaq gündəlikdə olmurdu, sadəcə olaraq, ekoloji vəziyyət müzakirə olunurdu. İkinci halda rəhbərlik bu sahədə ən savadlı və işdən başı çıxanı TV-yə göndərirdi. O qadının hansı kombinatı təmsil etdiyini bilmirəm. Ancaq mənim bu sahədə kiməsə cavab verə bilməməyim və ya özümü məzlum aparmağım mümkün ola bilməzdi. Çünki işlədiyim elə bir sahə yox idi ki, kimsə məndən yaxşı bilsin. İstənilən işi görməmişdən öncə 1000 səhifələrlə müvafiq ədəbiyyat oxuyub və özüm eksperimentlər həyata keçirirdim. 28-29 yaşımda ixtiralarım və eksperimentlərim Moskva, Ukrayna və Belarusda da tətbiq olunurdu. Diqqətinizə çatdırım ki, bu müzakirələr Moskvanın mərkəzi kanalında da müzakirə olunub və mən orada da mütəxəssis kimi iştirak etmişəm. Ona görə də hansısa bir işlə bağlı kombinatın mühəndisinin qarşısında mənim cavab tapa bilməməyim absurddur".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar