Sizin Reklam Burada
Xəbər lenti
31 may
30 may
BÜTÜN XƏBƏRLƏR

Koronavirusa təkrar yoluxma mümkün deyil, testlər keyfiyyətsiz imiş...

Tarix: 02-05-2020 22:02     Baxış: 494 A- / A+
Koronavirusa təkrar yoluxma mümkün deyil, testlər keyfiyyətsiz imiş...

Cənubi Koreya alimləri bildiriblər ki, koronavirusdan sağalmış şəxslərin təkrar yoluxmasına dair məlumatlar testlərin keyfiyyətsizliyi ucbatından yayılıb.

Manevr.az xəbər verir ki, Cənubi Koreya xəstəliklərə nəzarət və profilaktika mərkəzi mayın 1-də yeni bəyanatla çıxış edib. Bu bəyanatda deyilir ki, COVID-19 virusunun insan orqanizmində təkrar aktivləşməsi mümkün deyildir.

İndiyədək Cənubi Koreyada koronavirusa 10 mindən çox yoluxma, 245 ölüm qeydə alınıb. Bu ölkədə COVID-19 xəstəliyindən ölüm nisbəti 2, 3 faizdir. Bu, Dünya Səhiyyə Təşkilatının 3,4 faiz orta rəqəmindən aşağıdır.

Bundan əvvəl xəbər verilmişdi ki, 277 pasient koronavirusdan sağaldıqdan sonra virusa ikinci dəfə yoluxub. Belə hallar Çin və Yaponiyada da qeydə alınmışdı. Bu COVID-19 virusunun ifrat sürətlə mutasiya etdiyinə və insanlarda xəstəliyə qarşı immunitet yaranmadığına dair narahatlıqlara səbəb olmuşdu.

Lakin virusun genetik analizi onda insanın immun sistemindən yayınmasına imkan verəcək dəyişikliklərin yaranmadığını göstərib. Alimlər qeyd edirlər ki, Dünya Səhiyyə Təşkilatının (DST) hökumətlərə vətəndaşlara “immunitet pasportları” verilməməsi barədə xəbərdarlığının bir səbəbi də bu idi.

DST belə bir nəticəyə gəlmişdi ki, hər hansı insanın orqanizmində anticismlərin qeydə alınması onun işə çıxmasının təhlükəsizliyinə dəlalət etmir. Bir çox hökumətlər “immunitet pasportlarının” tətbiqi ilə karantinlərin qaldırılması mümkünlüyünü nəzərdən keçirirlər. Bu sistemə görə qanında COVID-19 anticismləri tapılan şəxslərin yenidən işə çıxmasına icazə verilməlidir.

DST özünün təlimatlarına düzəliş edərək bildirmişdi ki, COVID-19-dan sağalmış şəxslərdə dayanıqlı immunitetin yaranmasına dair dəlillər yoxdur. İndi isə Cənubi Koreya alimləri deyirlər ki, qanda anticismlərin aşkar edilməsi üçün keçirilən polimeraz zəncir reaksiyası testləri qüsurlu ola bilər.

Cənubi Koreya mərkəzindən olan ekspertlər aşkar ediblər ki, xəstəliyə ikinci dəfə yoluxduqları bildirilən şəxslərin təkrar analizi yanlış olaraq pozitiv nəticə göstərib. Alimlərin fikrincə, sadəcə olaraq bu testlər xəstəlikdən sağalmış pasientlərin qanındakı ziyansız ölü virusları canlı viruslardan ayırd edə bilməyib.

DST hələlik öz təlimatına düzəliş etməyib. Bu təlimata görə xəstəlikdən sağalan şəxslər onlarda virusa qarşı müdafiə yarandığından çox da əmin olmamalıdırlar.

Təşkilatın qənaətinə görə, belə əminliyin olması üçün daha təkmil test sisteminin yaradılmasına ehtiyac var.

Cənubi Koreya alimləri milyonlarla insana ümid işığı verəcək daha bir açıqlama ilə çıxış ediblər. Onlar bildiriblər ki, insan hüceyrələrinin nüvəsinə daxil olub orada təkrar aktivləşmə üçün latent qalan HIV və suçiçəyi viruslarından fərqli olaraq, koronavirus nüvəyə daxil olmur.

Doktor Oh Myoung-donun sözlərinə görə “bu, o deməkdir ki, koronavirus xroniki vəziyyətə keçmir”. Alimlər bunu da xatırladırlar ki, koronavirus da gələcəkdə mutasiya edərək qrip virusu kimi insanlara təkrar yoluxa bilər. Əksər ekspertlərin fikrincə belə dönüşdə virusların ölümcüllüyü xeyli zəifləmiş olur./virtualaz.org

Manevr.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    İyun 2020    »
BeÇaÇCaCŞB
1234567
891011121314
15161718192021
22232425262728
2930 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar