Xəbər lenti
Qəhvənin ağlasığmaz faydası aşkarlandı
ABŞ-ın Ratqer Universitetinin alimləri qəhvənin tərkibində (kofeinlə birgə) Parkinson və Levi cisimcikli demensiya kimi xəstəliklərin inkişafını ləngidən maddənin olduğunu aşkarlayıb.
Tədqiqatın nəticələri “MedicalXpress” nəşrində dərc olunub.
Məlum olduğu kimi, qəhvə dənələrinin üz qabığında “eykozanoil-5-hidriksitriptamid” (EHT) maddəsi yerləşir. Əvvəlki araşdırmalar göstərib ki, EHT beyində yaşla əlaqədar neyrodegenerativ xəstəliklərin formalaşmasına yol açan zülalın yığılmasına əngəl olur.
Yeni tədqiqatda alimlər sınaq siçanlarına kiçik dozalarda kofein və EHT verib, daha sonra isə bu maddələr ayrı-ayrılıqda siçanların bədəninə yeridilib. Maraqlıdır ki, bu iki maddə ayrı-ayrılıqda yuxarıda qeyd olunanlar baxımından o qədər də effektiv olmayıb. Bu maddələrin vəhdəti zərərli zülalın formalaşmasının qarşısını alıb.
Bu, o deməkdir ki, müntəzəm qəhvə qəbulu insan orqanizmində neyrodegenerativ xəstəliklər arasında ikinci yerdə gələn Parkinson xəstəliyi və Levi cisimcikli demensiyanın inkişafını ləngitməyə və hətta tamamilə dayandırmağa qadirdir.
İndi alimlər insanlarda bu kimi halların qarşısını almaq üçün EHT və kofeinin hansı miqdarda kombinasiyasından istifadə edilməli olduğu üzrə araşdırma aparır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar