Sizin Reklam Burada
Xəbər lenti
06 avqust
05 avqust
BÜTÜN XƏBƏRLƏR

Hafiz Hacıyev: 32 manata yaxşı kostyumlar var, yerini göstərə bilərəm - MÜSAHİBƏ

Tarix: 08-11-2019 18:42     Baxış: 5251 A- / A+
Hafiz Hacıyev: 32 manata yaxşı kostyumlar var, yerini göstərə bilərəm - MÜSAHİBƏ


Manevr.az Müasir Müsavat Partiyasının sədri Hafiz Hacıyevin oxu.az-a müsahibəsini təqdim edir:

- Hafiz müəllim, “Space” TV-də yayımlanan “Sadə həqiqətlər” verilişində ayaqqabınızı soyunmusunuz, ona tikiş vurulduğunu demişiniz. Bir sözlə, yenə də maddi durumunuzdan şikayətlənmisiniz. Ancaq belə düşünənlər də var ki, sizin maddi imkanınız heç də pis deyil.


- Hafiz Hacıyevin elə böyük imkanı olsaydı, birinci olaraq siz jurnalistlərə imkan yaradardı. Bütün jurnalistləri dəvət edirəm ki, gəlib yaşadığım evə baxsınlar. Mən həmişə kasıblıq içində yaşamışam. Amma vicdanlı həyat sürmüşəm. Ayaqqabımı müzakirəyə çıxarırlar.

Bu gün Bakıda çox yerdə ayaqqabı tikirlər. Mənim o ayaqqabımın qiyməti 17 manatdır. Az pul deyil ki! Hər dəfə pul verib ayaqqabı alası deyiləm ki! Hafiz Hacıyevin imkanı olsaydı, başqaları kimi 400-500 manatlıq ayaqqabı geyinərdi.

Mənim imkanım olsaydı, bahalı maşında, cangüdənlə gəzərdim, şəhərin mərkəzində müasir binalarda evim olardı. Hazırda isə “Xruşovkada” yaşayıram.

- Hafiz müəllim, şəxsən özüm sizin heç də ucuz sayılmayan avtomobilinizi görmüşəm. Bəs bu, hansı pulla alınıb?


- Mənim avtomobilim “Hyundai Sonata”dır. 2011-ci ilin maşınıdır. O vaxt kreditlə almışdım. İndi isə köhnəlib. Burada ciddi bir şey yoxdur. Gəlib şəklini də çəkə bilərsiniz. Partiyanın qərargahının qarşısındadır.

- Krediti bitirmisiniz?


- Bəli, krediti ödəyib bitirmişəm. Onu beş illik kreditlə götürmüşdüm.

- Bəs başqa kredit borcunuz var?


- Telefonum və kompüterim kreditə alınıb. Gələn ay da onların pulunu verib bitirəcəyəm.

- Ancaq geyimləriniz də çox ucuz mal təsiri bağışlamır.


- Mən kostyumları “Sədərək” ticarət mərkəzindən alıram. “Sədərək”də 64, 74 manata kostyumlar var. Kimə lazımdırsa, ona kömək edə bilərəm, yerini göstərərəm. 32 manata, 52 manata da yaxşı kostyumlar var. Mənim kostyumumun qiyməti 100 manatdan baha deyil.

- Partiyanızın qərargahını icarəyə götürmüsünüz?


- Partiyamızın qərargahı partiya üzvlərindən birinin şəxsi yeridir. Amma buna baxmayaraq, biz ayda ona 350 manat icarə haqqı ödəyirik. Partiya üzvlərinin eləsi var ki, imkanlıdırlar, ayda müəyyən məbləğlərdə kömək edirlər.

- Hafiz Hacıyevin heçmi qazancı yoxdur?


- Özümə bağışlaya bilmirəm ki, bu vaxta qədər özümə biznes qura bilməmişəm. Hansısa bir biznesim olsaydı, indi məni istəməyənlər bunu aləmə car çəkərdilər. Mənim hər hansı bir biznesim ortaya çıxsa, onu jurnalistlərlə bölüşəcəyəm.

Manevr.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının ilk hərfini yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Avqust 2020    »
BeÇaÇCaCŞB
 12
3456789
10111213141516
17181920212223
24252627282930
31 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar