_99.jpg)
Xəbər lenti
Polis aksiyadan foto çəkən jurnalistlə necə davranmalı - MŞ sədrinin arayışı...
Əflatun Amaşov: “Jurnalist kütləvi aksiyadan reportaj hazırlayırsa, foto çəkirsə, onun hüquqları qanunvericiliklə məhdudlaşdırılmır”
Son vaxtlar ictimai hadisələr, aksiyalar zamanı jurnalistlərin fəaliyyəti ilə bağlı müəyyən anlaşılmazlıqlar baş verir. Polis əməkdaşları jurnalistlərə yaxınlaşaraq, onlardan foto çəkməməsini tələb edir. Bu isə jurnalistin sərbəst informasiya əldə etməsi ilə bağlı çətinlik yaradır. Çünki jurnalistin ictimai hadisədən foto çəkməsi nəinki qanunsuz deyil, hətta onun birbaşa vəzifəsi, peşə borcudur.
Azərbaycan Mətbuat Şurasının sədri, deputat Əflatun Amaşov mövzunu musavat.com-a şərh edərkən deyib ki, Azərbaycanda media azaddır və müstəqildir, hər bir jurnalist ictimai əhəmiyyət kəsb edən hər bir hadisəni işıqlandırmaqda sərbəstdir: “Qanunvericilik də buna imkan yaradır və əsas verir. Doğrudur, bir sıra məhdudiyyətlər var, ancaq heç bir halda jurnalist kütləvi aksiya və ya hansısa tədbirdən reportaj hazırlayırsa, foto çəkirsə, onun hüquqları qanunvericiliklə məhdudlaşdırılmır. Yetər ki, o, həqiqətən də jurnalist olsun, vəsiqəsi olsun və xüsusi jurnalist geyimində olsun. Ümumiyyətlə, Azərbaycanda böyük aksiyalar olarkən, onun icazəli və ya icazəsiz olmasından asılı olmayaraq, Azərbaycan Mətbuat Şurasının Monitorinq qrupu orada monitorinq aparır. Bu Monitorinq Qrupuna İdarə Heyətinin üzvləri, Mətbuat Şurasının əməkdaşları və digər KİV-lərdə çalışan ayrı-ayrı jurnalistlər, eyni zamanda hüquq-mühafizə orqanlarının nümayəndələri daxildir. Əgər o küçə aksiyalarında, mitinqlərdə bu kimi hallar baş verirsə və jurnalistlərin informasiya əldə etmək hüququ məhdudlaşırsa, pozulursa, həmin jurnalistlər Mətbuat Şurasının yaratdığı Monitorinq Qrupunun nümayəndələrinə müraciət edə bilərlər və problemin həllinə nail ola bilərlər. Ümumiyyətlə, son illərdə Azərbaycanda keçirilən irihəcmli mitinqlərdə çox nadir hallarda Azərbaycan Mətbuat Şurasının yaratdığı Monitorinq Qrupuna müraciətlər olunur. Ölkəmizdə media azaddır və jurnalist hər bir ictimai əhəmiyyət kəsb edən hadisəni işıqlandırmaqda sərbəstdir”.
Polislərin jurnalist fəaliyyəti ilə bağlı maarifləndirilməsinə gəlincə, Ə.Amaşov bildirdi ki, Monitorinq Qrupuna eyni zamanda hüquq mühafizə orqanlarının nümayəndələri də daxildir: “Hər iri aksiyadan sonra Mətbuat Şurasının Monitorinq Qrupunun hesabatları yayılır. Orada jurnalistlər üçün aksiyanın necə keçdiyi, onlara maneə yaradılıb-yaradılmadığı işıqlandırılır. Əgər Mətbuat Şurasına bu barədə müraciət olunarsa, məsələ araşdırıla bilər”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar