Sizin Reklam Burada
Xəbər lenti
28-03-2024
27-03-2024
BÜTÜN XƏBƏRLƏR

“Gərginliyi artırmaq üçün...” - Nazirin sərt tənqidinə reaksiya

Tarix: 01-11-2019 17:21     Baxış: 3298 A- / A+
“Gərginliyi artırmaq üçün...” - Nazirin sərt tənqidinə reaksiya

Xəbər verdiyimiz kimi, Azərbaycan Bəstəkarlar İttifaqının X qurultayında Mədəniyyət naziri Əbülfəs Qarayev son illər filmlərimizdə fon musiqilərinin qorxunc, heç bir ümid verməyən fon musiqilərinin səsləndiyini deyib.

Nazir bəstəkarlara səslənərək bu problemin aradan qaldırılmasında iştirak etməyə çağırıb: "Düzdür, biznes mühiti tamam başqa məsələlər diqtə edir, ancaq biz dövlət olaraq yaradıcı ittifaqlara dəstək veririk. Azərbaycan bəstəkarları bununla niyə məşğul olmurlar? Əgər belə getsə, filmlərimizdə, seriallarda texniki musiqidən başqa bir musiqi görməyəcəyik. Ona görə mən bəstəkarlarımızı bu məsələlərdə həssas olmağa çağırıram. Gəlin, bu barədə məsələ qaldıraq, bu kimi problemlər həll olunsun".

Mövzu ilə bağlı kinoşünas Aygün Aslanlı ilə əlaqə saxladıq. yenisabah-a danışan A. Aslanlı bu sözləri deyib:

“Kinonun, serialın musiqisi senaridən və müəlliflərdən asılıdır. Bu, əhəmiyyətli ola da bilər, olmaya da. Seriallarda bu daha çox drammatik melodram effektini, yaxud gərginliyi artırmaq üçün istifadə edilir. Səhnələrin təsirini artırmaq üçün musiqilərdən istifadə olunur.

Müəllif filmlərində bu, müəllifdən asılıdır. Elə müəllif filmləri var ki, onun üçün musiqi yazılır, siz film boyu musiqini eşitmirsiniz. Sadəcə sonda titrlarda görünür ki, filmin bəstəkarı varmış. Ümumiyyətlə, müəllif fimlərində musiqidən isifadə etmək tendensiyası yaxşı qarşılanmır.

Mən Azərbaycan seriallarına çox baxmıram. Mənim bildiyim qədərilə o seriallar üçün xüsusi musiqi yazılmır. Onların hamısı götürülmə musiqilərdir, hazır melodiyaları götürürlər. Bu hər yerdə belə olur, Türk filmlərində də belədir, amma bəzən original musiqilərin yazıldığına da rast gəlinir. Ümumiyyətlə, serialda musiqi təsir gücünü artırmaq üçün istifadə edilir”.

“Sirr” (2012) serialının musiqisini hazırlayan bəstəkarı Aygün Səmədzadə ilə də əlaqə saxladıq. O bu cür sorğularda iştirak etmədiyini və artıq heç bir seriala musiqi bəstələmədiyini bildirib.

Tanınmış bəstəkar, Xalq artisti Faiq Sücəddinov isə Azərbaycan seriallarını izləmədiyini deyib: “Mən Azərbaycan seriallarına baxmıram, ona görə bir şey deyə bilməyəcəyəm”.


Manevr.az

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar