Xəbər lenti
Udmurt Milli Kitabxanasında ümummilli lider Heydər Əliyevin anım günü keçirildi -Beynəlxalq layihələr çərçivəsində
Manevr.az bikdirir ki, Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin təşəbbüsü ilə Beynəlxalq layihə çərçivəsində Udmurt Milli Kitabxanasında Azərbaycan xalqının ümummilli lideri Heydər Əliyevin anım günü keçirildi.
Udmurt Milli Kitabxanasının əməkdaşları tərəfindən mövzu ilə əlaqədar kitab sərgisi hazırlanmış və onun şərhi təşkil olunmuşdur.
Kitab sərgisi Heydər Əliyevin rəhbərliyi ilə müstəqil Azərbaycan dövlətçiliyinin müasir şəraitdə formalaşması haqqında məlumatları əks etdirirdi. Tanınmış tarixçi, Rusiyanın və Cənubi Qafqazın daxili siyasi problemləri haqqında nəşrlərin müəllifi Stanislav İvanoviç Çernyavskinin “Novıy put Azerbaydjana” («Новый путь Азербайджана») və “İstoriya Azerbaydjana” («История Азербайджана») kitabları bu haqda məlumat verir.
Sərgidə nümayiş olunan Rusiya Federasiyası və Azərbaycan Respublikası arasında münasibətlərdən bəhs edən E.İ.Pivovarın “Rossiysko-azerbaydjanskiye otnoşeniya. konets XX – naçalo XXI veka” («Российско-азербайджанские отношения. Конец XX – начало XXI века»), D.Y.Furmanın “Azerbaydjan i Rossiya: obşestvo i qosudarstvo” («Азербайджан и Россия: общество и государство») kitabları sərgi iştirakçılarının diqqətini daha çox cəlb etmişdir. Bu kitablarda Rusiya-Azərbaycan münasibətlərin təməlinin qoyulmasında Azərbaycan xalqının ümummilli lideri Heydər Əliyevin böyük rolu əks olunmuşdur.
Kitab sərgisində həmçinin, Heydər Əliyevin qurultaylarda, çıxışlarda, onunla müsahibələri əks etdirən kitablar da nümayiş olunmuşdur. Sərgi iştirakçılarına “Azərbaycan xalqının ümummilli lideri Heydər Əliyev” adlı interaktiv plakat nümayiş olundu.
Xəbər verdiyimiz kimi, Udmurt Respublikası Milli Kitabxanasının 100 illik yubileyinə həsr olunmuş tədbirlər zamanı Yasamal rayon Mərkəzləşdirilmiş Kitabxana Sistemi və Udmurt Milli Kitabxanası arasında əməkdaşlıq haqqında sazış imzalanmışdır. Sazış çərçivəsində uşaq, yeniyetmə və gənclər üçün layihələrin həyata keçirilməsi, kitabxanada “Azərbaycan guşəsi”nin açılması və s. tədbirlər planlaşdırilır
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar