_99.jpg)
Xəbər lenti
Namiq Dəlidağlının “Otel otağından reportaj” kitabının imza günü keçirilib -FOTOLAR
Manevr.az-a verilən xəbərə görə, Sumqayıt Regional Mədəniyyət və Turizm idarəsinin təşəbbüsü, AYB Sumqayıt bölməsi və S.Vurğun adına Mərkəzi kitabxananın birgə təşkilatçılığı ilə şair, jurnalist Namiq Dəlidağlının “Otel otağından reportaj” kitabının imza günü keçirilib.
Sumqayıt şəhər S.Vurğun adına Mərkəzi kitabxanada baş tutan tədbir Azərbaycan Respublikasının Dövlət himninin ifası ilə başlayıb.
Tədbiri giriş sözü ilə Mərkəzi kitabxananın metodisti Natəvan Məmmədli açaraq Namiq Dəlidağlının həyatı və yaradıcılığı, onun mətbuat sahəsindəki fəaliyyəti haqqında geniş məlumat verib.
Şair Əşrəf Veysəllinin aparıcılığı ilə keçən tədbirdə şairlər AYB Sumqayıt bölməsinin məsləhətçisi Gülnarə Cəmaləddin, Sabir Yusifoğlu, Xatirə Fərəcli, Sevinc Qərib, Sevda Kərimli, müəllim-jurnalist Ruhiyyə Bahar, Sumqayıt MKS-in direktoru Yeganə Əhmədova çıxış edərək müəllifi təbrik edib, xoş arzularını çatdırıblar.
Daha sonra yaradıcılığında əsasən vətənpərvərlik, torpaq, yurd mövzusunu canlandıran şair “Otel otağından reportaj” kitabına daxil etdiyi şeirlərdən nümunələr söyləyib, oxucuların suallarını cavablandırıb.
Tədbirdə S.Vurğun adına Mərkəzi kitabxananın uşaq şöbəsinin oxucusu, S.Sarvan adına poeziya klubunun üzvü Zəhra Bəşirlinin ifasında şairin “Apreldə Vətənə yazılan şeir”i maraqla dinlənilib, videoçarx izlənilib.
Sonda Namiq Dəlidağlı çıxış edərək tədbirin təşkilatçılarına və iştirakçılarına təşəkkürünü bildirib.
Sumqayıt Regonal Mədəniyyət və Turizm idarəsinin
Mətbuat xidməti
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar