Xəbər lenti
...O sabah sonuncu tamaşasını oynayacaq - Fuad Poladov istefasını təsdiqlədi
"Teatrdan getməyim üçün ərizə yazmağıma ehtiyac yoxdur”.
Bunu BakıPost-a xalq artisti Fuad Poladov Akademik Dram Teatrından onun getməsi ilə bağlı yaydığı məlumata münasibət bildirirərkən deyib. Fuad Poladov teatrdan birdəfəlik getdiyini bildirib: "Mən bir daha təsdiq edirəm ki, teatrdan ayrılmışam. Bundan sonra teatrda fəaliyyətimi davam etdirməyəcəm. Mən heç vaxt işə qəbul olanda və ya işdən gedəndə ərizə yazmıram”.
Xalq artisti qeyd edib ki, sabah axırıncı tamaşasını oynayacaq: "Sabahkı tamaşa əvvəlcədən planlaşdırıldığı üçün oynayacam. Bu, sonuncu tamaşam olacaq”.
Qeyd edək ki, Xalq artisti Fuad Poladov dünən gənc həmkarı Hikmət Rəhimovun işdən çıxarılmasına etiraz əlaməti olaraq Akademik Dövlət Dram Teatrından gedib. Məsələ ilə bağlı "Azdrama”dan çıxarılan aktyor Hikmət Rəhimov öz Facebook səhifəsində bunları bildirib: "Bunu deməliyəm. Başıma gələn olaylarla bağlı mənə dəstək olan və arxamda dayanan insan Fuad müəllim Poladova minnətdaram. Polis bölməsinə, rayon polis idarəsinə məndən xəbərsiz gedən və mənə görə ordakılara narahatlığını bildirən və sonra teatrdan çıxdığını bildirən Fuad Poladov. İnanın səmimiliyimə, bununla fəxr etmirəm və şok da yaşamıram. Çünki bu, Fuad müəllimdir. Hər gün mənə ən azı 2 dəfə zəng vurub, ürək-dirək verən Fuad müəllim. Mən sizə bu dünyada da, o dünyada da minnətdaram. Bunu heç kim eləməzdi - heç kim. Hər şeyə görə çox sağ olun”. Bu gün Akademik Dram Teatrı xalq artistinin teatrdan getməsi yaydığı məlumatda Fuad Poladovun işdən çıxmaq haqqında ərizə təqdim etmədiyini bildirib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar