Sizin Reklam Burada
Xəbər lenti
10 iyul
09 iyul
08 iyul
BÜTÜN XƏBƏRLƏR

Məcburi köçkünlər müharibə tələbi ilə aksiya keçirdi -MM-in önündə-Video

Tarix: 26-05-2020 23:14     Baxış: 4346 A- / A+
Məcburi köçkünlər müharibə tələbi ilə aksiya keçirdi

Bu gün Dağlıq Qarabağ və işğal olunmuş ətraf rayonlardan olan bir qrup məcburi köçkün Milli Məclisin önünə toplaşaraq aksiya keçirməyə cəhd göstəriblər.

Manevr.az xəbər verir ki, aksiya iştirakçıları işğal olunan torpaqların azad edilməsi üçün müharibə tələbi ilə çıxış ediblər. Aksiya zamanı məcburi köçkünlərin istək və tələbini əks etdirən bəyanat qəbul olunub və Milli Məclisə təqdim edilib. Bəyanatda deyilir:

"Bildiririk ki, 08.11.2019-cu il tarixdə də Qarabağla bağlı yaranmış vəziyyəti Milli Məclisdə müzakirə etmək tələbi ilə Milli Məclisə bəyanat təqdim etmişdik. Ancaq həmin vaxt çox keçmədən Milli Məclis özünü buraxdı və yeni seçkilər təyin olundu. Bizim tələbimizə heç bir cavab verilmədi. Aradan keçən müddətdə Qarabağ məsələsində vəziyyət nəinki dəyişməyib əksinə daha da pisləşib. Bu il mart ayının 31-də qondarma quruma parlament və prezident seçkiləri keçirdilər. Ondan əvvəl yerli-bələdiyyə seçkilərini sovet dövründə DQMV-nə daxil olmayan işğal etdikləri Laçın və Kəlbəcər rayonlarında da keçirməklə bir az da dərinə getdilər. Ermənistan və qondarma qurumun rəhbərliyi bu ildə nümayişkaranə şəkildə Şuşanı işğal etmələrinin 28 illiyini təntənəli şəkildə bayram etdilər. Ətraf rayonlarda məskunlaşma, tikinti-abadlıq işlərinin vüsətlə davam etdirdiklərini yayımladılar. Düşmənin qudurğanlığı o həddə çatdı ki, qondarma quruma seçdikləri prezidentin andiçmə mərasimini may ayının 21-də Ermənistan rəhbərliyinin iştirakı və təşkilatçılığı ilə Şuşa şəhərində keçirərək Azərbaycan xalqının heysiyyatı ilə oynadılar. Bütün bunlar azmış kimi bu arada İran İslam Respublikasının Azərbaycanın işğal olunmuş Cəbrayıl rayonu ərazisindəki Xudafərin kəndi yaxınlığında Araz çayı üzərindən işğalçıların hər cəhətdən işinə yarayan körpü saldığı ortaya çıxdı. Bu körpünün Azərbaycan tərəfinin razılığı ilə salınmasının açıqlanması sanki Azərbaycan xalqının boynuna asılmış dəyirman daşı təsirini bağışladı. Çox qəribədir ki, Azərbaycan rəsmiləri yenə də yas tutur ya da heç bir siyasi və təsir gücü olmayan bəyanatlarla kifayətlənirlər. Müdafiə nazirliyi, Sərhəd Qoşunları Azərbaycan dövlətini, sərhəddini pozduğu, ərazi bütövlüyünü təhdid etdiyi Azərbaycan xalqına qarşı alçaldıcı hərəkətlər etdiyi anlarda ancaq təlim keçirməklə kifayətlənir. Bəzi deputatlar da xalqı ruh düşkünlüyünə səsləyən bəyanatlar verir. Biri lazım gəlsə hələ 300 il də səbr etməkdən , biri hələ Kürə qədər də işğal olunmaq qorxusundan danışır. Odur ki, işğal olunmuş Qarabağ və ətraf rayonlardan məcburi surətdə köçürülmüş sakinlər olaraq Qarabağ məsələsi ətrafında yaranmış vəziyyətin tezliklə parlamentdə müzakirə edilməsini tələb edirik. Bu bizim haqqımız və hüququmuzdur. 28 il zülm, 28 il dözüm , 28 il səbr bəsdir. Biz yerimizə-yurdumuza və evimizə qayıtmaq istəyirik.
26.05.2020."

Manevr.az
Məcburi köçkünlər müharibə tələbi ilə aksiya keçirdi
Məcburi köçkünlər müharibə tələbi ilə aksiya keçirdi
Məcburi köçkünlər müharibə tələbi ilə aksiya keçirdi








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    İyul 2020    »
BeÇaÇCaCŞB
 12345
6789101112
13141516171819
20212223242526
2728293031 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar