Xəbər lenti
Tural Turan:"Sən güləndə qəbirlər də gülür..."
Gül ki, saat əqrəbləri qibləsini tapsın,
Zaman intihar etsin qollarında...
Manevr.az Tural Turanın yeni şeirlərini təqdim edir:
Sən gül...
...Bəlkə insan kölgəsinin alın yazısıdı,
Bəlkə də tanrının ağzından saldığı
ağıl dişidi...
Bəlkə də cəhənnəm elə insanın özüdür -
Qucaqlayır anadan yetim qalmış soyuqları...
...Yanaqlarından
bir təbəssümlük kərpic düşüb elə bil,
Qapısı açıq qalıb gülüşlərinin...
Zarafat edirəm, sən gül,
Sən güləndə
qəbirlər də gülür,
tabutlar da...
Yaradanın sevinc göz yaşını sağır
çiyni yapıncılı buludlar da...
Sən gül...
Gül ki,
tanrı üzr istəsin
hər kəsin alın yazısından...
Gül ki, saat əqrəbləri qibləsini tapsın,
Zaman intihar etsin qollarında...
Gülüşün
bir sözlük məktub olsun gələcəyinə...
***
Ovcunu çıxarma yola,
Hələ kimsə yığılmayıb.
Bəlkə sabah nəsə ola...
Dünya hələ dağılmayıb.
Qəpik-qəpik göz yaşını
Üşütmə, burax başını...
Ümidlərin sıx dişini,
Yazın hələ yoğrulmayıb.
Bu ovucla nədir işin?..
Gedək öz evində üşü...
Ağlama, çörəksiz kişi,
Tanrı hələ doğulmayıb.
Tural Turan
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Aydın Canıyev
Aydan Ay
Emil Rasimoğlu
KƏRAMƏT
Tural Turan
Sorğu
Portalımızı dəyərləndirin.
Çox oxunanlar