_99.jpg)
Xəbər lenti
Günel Natiqin "Məhəbbət quşları"nın təqdimatı keçirildi -ŞƏKİLLƏR
Azərbaycan Yazıçılar Birliyinin "Natəvan" klubunda bir çox radio verlişlərinin müəllifi və aparıcısı, yazıçı-publisist Günel Natiqin "Məhəbbət quşları" adlı hekayələr kitabının təqdimatı və "İmza günü" keçirilib.
Manevr.az xəbər verir ki, tədbir "Könül körpüsü" layihəsinin rəhbəri, şair-tərcüməçi Nazilə Gültacın təşkilatçılığı və aparıcılığı ilə adı çəkilən layihə çərçivəsində keçirilib. Tədbirdə yazıçının qələm dostları, iş yoldaşları, oxucular, media nümayəndələri və ailə üzvləri iştirak ediblər. Tədbiri giriş sözü ilə AYB-nin katibi, şair Rəşad Məcid açaraq qonaqları salamladı, müəllif və yaradıcılığı haqqında danışdı. Qeyd etdi ki, Günel istər radiodakı fəaliyyətində, istərsə də ədəbiyyat sahəsində özünəməxsusluğu ilə seçilir. Təqdim olunan kitabın yaxşı bir ədəbiyyat nümunəsi olduğunu vurğulayan R.Məcid müəllifə uğurlar arzulayaraq sözü tədbirin aparıcısı Nazilə Gültaca verdi. N.Gültac yazıçının həyat və fəaliyyətini əhatələyən geniş çıxış etdi, kitab haqqında fikirlərini bildirdi. Tədbirdə iştirak edən AYB-nin Ədəbiyyat Fondunun sədri, şair-publisist Əjdər Ol da öz növbəsində yazıçını təbrik edərək, uğurlar arzuladı, atası ilə bağlı xatirələrindən danışdı. G. Natiqin istedad və potensialına inandığını qeyd edən natiq ona iri həcmli əsərlər yazmasını tövsiyə etdi.
Qeyd edək ki, Günel Natiq mərhum tərcüməçi-yazıçı Natiq Səfərovun qızıdır.
Qələm adamlarından Tahir Talıblı, Eldost Bayram, Qorxmaz Şıxəli, Azər Abdulla, Afət Viləşsoy, Namiq Dəlidağlı, Giya Paçaxataşvili, Tahir Taisoğlu, Cavad Zeynallı, İlqar Türkoğlu, Təranə Vahid, Narıngül Nadir, Rafael Tağızadə, Sevinc Qərib, Qiymət Məhərrəmli, Muxtar Kərimzadə, Reyhan Kənan, Əzizə Ağahüseynqızı, Gülnar Əhmədova və başqaları çıxış edərək müəllif və kitab haqqında xoş sözlər söylədilər, uğurlar arzuladılar.
Tədbirdə həmçinin İrəvan Dövlət Azərbaycan Dram Teatrının aktrisası və müğənni Səmayə İsmayılova, Azərbaycan Nyu-York Assosiasiyasının vitse-prezidenti Zəminə Mirhadıyeva da çıxış edib müəllifin həyat və yaradıcılığından söz açaraq, xoş arzu, diləklərini dilə gətirdilər.
Sonda tədbirin təşkilatçısı Nazilə Gültac və müəllif Günel Natiq hər kəsə təşəkkürlərini bildirdilər. Xatirə şəkilləri çəkdirildi.
Sevinc Qərib
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar