Sizin Reklam Burada
Xəbər lenti
08 avqust
07 avqust
BÜTÜN XƏBƏRLƏR

"AYB dəfələrlə nizamnamə qaydalarını açıq-aşkar pozub" - Emil Rasimoğlu

Tarix: 04-12-2019 23:15     Baxış: 21218 A- / A+
"AYB dəfələrlə nizamnamə qaydalarını açıq-aşkar pozub" - Emil Rasimoğlu

"Azərbaycan Yazıçılar Birliyi yarandığı gündən üzü bəri adıçəkilən qurumun on iki qurultayı keçirilib. Bunlardan səkkizi sovet dövrünə, biri müstəqillik ərəfəsinə, son üçü isə müstəqillik dövrünə təsadüf edib. Bu öz yerində. Ancaq hal-hazırda əlimdə olan faktlara və ictimaiyyətə təqdim edilən AYB nizamnaməsinə əsasən deyə bilərəm ki, müstəqillik dönəmində Yazıçılar Birliyinin rəhbərliyi keçirilən qurultaylarda dəfələrlə nizamnamə qaydalarını açıq-aşkar pozub".

Manevr.az
bildirir ki, bunu Azərbaycan Yazıçılar Birliyinin üzvü, Prezident təqaüdçüsü, şair Emil Rasimoğlu deyib. Emil Rasimoğlunun sözlərinə görə, Azərbaycan Yazıçılar Birliyinin Nizamnaməsinin “Rəhbər orqanlar və onların səlahiyyətləri” bölməsində yazılır: “Azərbaycan yazıçılarının qurultayı açıq səsvermə ilə və səs çoxluğu ilə Azərbaycan Yazıçılar Birliyinin sədrini, sədrin təqdimatı ilə birinci katib və katiblərini (beş il olmaqla iki müddətdən artıq seçilə bilməz)... seçir”. (Elə məhz bu səbəbdəndir ki, qurultay keçirilmədiyinə görə 2014-cü ilin sentyabr ayından AYB-nin Yaradıcılıq məsələləri üzrə katiblik vəzifəsini İlqar Fəhmi icra edir. Qeyd edim ki, İlqar Fəhmi illərdir ki, katib yox, katib əvəzidir.)

Ancaq Çingiz Abdullayev 1991-ci ildən (4 çağırış), Fikrət Qoca 1998-ci ildən (3 çağırış), Rəşad Məcid isə 2004-cü ildən (2 çağırış) AYB-nin katibidir. Göründüyü kimi Çingiz Abdullayevin, Fikrət Qocanın 2 çağırışı “adlaması” açıq-aydın qayda pozuntusu, Rəşad Məcidin isə (hələ 55 yaşında Gənclərlə iş üzrə katiblik postunu tutmasının gənclər siyasətinə zidd olmasını demirəm) heç nizamanmə qaydalarına əsasən növbəti qurulayda katib seçilməsi yolverilməzdir".

Şairin fikrincə burada digər bir pozuntu da müxtəlif zamanlarda katiblərin qurultayda seçki yolu ilə seçilməsi yox, birbaşa Anar tərəfindən təyin edilməsidir: "Hətta bu faktı bir neçə ay öncə mənlə ("Yeni Müsavat"ın efirində-red.) debatda AYB sədrinin hazırkı müşaviri Elçin Hüseynbəyli də vurğuladı. Əldə olunan faktlar hətta AYB-nin elektron arxivində də var. Bunlar AYB nizamnaməsinə görə bu günkü reallıqlarıdır.

Lakin bu yazıdan sonra ola bilər ki, AYB rəhbərliyinin hər hansısa bir təmsilçisi belə demək mümkünsə, qayda pozuntularını müsbət şərh etmək üçün müxtəlif illərdə nizamnamədə dəyişikliklərin edildiyini qeyd etsin (təbii ki, o dəyişikliklər yoxdur!). Əgər nizamnamədə hər hansı bir dəyişiklik olunubsa, bu ictimaiyyətin və üzvlərin nəzərinə çatdırılmalıdır!"


Manevr.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Avqust 2020    »
BeÇaÇCaCŞB
 12
3456789
10111213141516
17181920212223
24252627282930
31 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar