Xəbər lenti
Xaçmaz rayonunun yeni İcra başçısı bu şəxs ola bilər - DOSYE
Xəbər verdiyimiz kimi, Xaçmaz rayon İcra Hakimiyyətinin 80 yaşlı başçısı Şəmsəddin Xanbabayev istefa verib.
Manevr.az yeniavaz.com-a istinadən xəbər verir ki, Şəmsəddin Xanbabayev bu gün rayon İcra Hakimiyyətinin binasında iclas keçirərək işçilərlə vidalaşıb.
Verilən məlumatlarda həmçinin bildirilir ki, Xaçmaz rayon İcra Hakimiyyətinin başçısı vəzifəsinə yeni namizədin adı da məlumdur. Bildirilir ki, Şəmsəddin Xanbabayevin yerinə hazırda Gəncə Şəhər İcra Hakimiyyəti başçısının birinci müavini Elnur Rzayev təyin olunacaq.
1980-ci ildə anadan olan Elnur Rzayev Gəncə şəhər İcra Hakimiyyətinin sabiq başçısı Elmar Vəliyevin əmri ilə bu vəzifəyə təyin edilib. O, bu təyinata qədər Gəncə “Asan xidmət”in rəhbəri vəzifəsində çalışıb.
Elnur Rzayev əslən Qərbi Azərbaycanın Aşağı Şorca kəndindəndir. 1996-2000-ci illərdə Azərbaycan Dövlət İqtisad Universitetində "Biznes üzrə menecment" ixtisası üzrə bakalavr, 2000-2002-ci illərdə həmin Universitetdə "İstehsal sistemlərinin idarəedilməsi" ixtisası üzrə magistr, 2010-2013-cü illərdə Azərbaycan Respublikasının Prezidenti Yanında Dövlət İdarəçilik Akademiyasında "Dövlət və Bələdiyyə idarəetməsi" ixtisası üzrə təhsil alıb.
2004-2009-cu illərdə DSMF-nun Gəncə şəhər Nizami rayon şöbəsində məsləhətçi, 2009-2013-cü illərdə Daşkəsən rayon Əhalinin Sosial Müdafiəsi Mərkəzinin direktoru vəzifəsində işləyib.
Ailəlidir, 3 övladı var.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar