Xəbər lenti
“Xatirə Fərəcli yaradıcılığının poetik təzahürü” kitabının təqdimatı keçirilib -ŞƏKİLLƏR
Yazıçılar Birliyinin “Natəvan” klubunda şair-tədqiqatçı, Azərbaycan Yazıçılar və Azərbaycan Jurnalistlər Birliklərinin üzvü Hikmət Məlikzadənin “Xatirə Fərəcli yaradıcılığının poetik təzahürü” kitabının təqdimatı keçirilib.
Manevr.az xəbər verir ki, tədbirin aparıcısı tanınmış tənqidçi-ədəbiyyatşünas Əsəd Cahangir kitabın sırf elmi-filoloji aspektdən araşdırıldığını və müəllifin Xatirə Fərəcli yaradıcılığına bir qədər də fəlsəfi rakursdan yanaşdığını iştirakçıların diqqətinə çatdırıb, kitabla bağlı müəyyən məlumatlar verib.
Tanınmış şair Ofelya Babayeva kitabdakı elmi cəhətləri vurğulamaqla, müəllifin filoloji sahədə müəyyən qeyri-adiliklər etməsinə diqqət çəkib. Nəğməkar şair Yusif Nəğməkar kitabdakı fəlsəfi nüansları müəllifin uğuru kimi qiymətləndirərək nəşrlə bağlı fikirlərini bölüşüb.
Digər çıxış edənlər- alim Nizami Muradoğlu, şair-publisistlər Şöhlət Əfşar, Balayar Sadiq, Arif Musa, Nəcibə İlkin, Xalidə Nuray, İbrahim İlyaslı, Sona Abbasəliqızı, Qənir Mehdixanlı, Fəxrəddin Meydanlı, Əməkdar jurnalist Rəhman Orxan, jurnalist Natella Asena və digərləri Hikmət Məlikzadənin poetik yaradıcılığı ilə yanaşı, elmi yaradıcılığına da müxtəlif rakurslardan münasibət bildiriblər, təqdim olunan kitabın maraqlı araşdırma və qeyri-adi bir tədqiqat işi olduğunu söyləyiblər, müəllifə uğurlar arzulayıblar.
Sonda tədbirin təşkilatçılarına və iştirakçılarına minnətdarlığını bildirən müəllif bundan sonra da bu istiqamətdə işlərini davam etdirəcəyini söyləyib.
Qeyd edək ki, gözəl şeirlər müəllifi Xatirə Fərəcli eyni zamanda Azərbaycan Yazıçılar Birliyinin Sumqayıt bölməsində məsləhətçi vəzifəsində çalışır, daima ictimaiyyət arasındadır. Ədəbi mühitdə öz yeri, öz çəkisi olan xanım yazar oxucular tərəfindən də çox sevilir.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar