Xəbər lenti
“AYB-nin ümumrespublika fəaliyyəti yoxdur”- Emil Rasimoğlu
Azərbaycan Yazıçılar Birliyi haqqında qeydlərim:
1. Bu gün ölkədə əksər sahələrdə çox sürətli şəkildə kadr islahatları həyata keçirilir. Azərbaycan Yazıçılar Birliyində (AYB) isə bu islahatlar təəssüflər olsun ki, öz əksini tapmır. Təbii ki, burada AYB rəhbərliyi məsuldur.
Onu da vurğulayaq ki, AYB rəsmilərinin orta statistik yaş həddi 70+dur.
2. AYB idarəçiliyi ölkədə yürüdülən gənclər siyasətindən, tamamilə kənardadır. Buna ən tutarlı fakt olaraq AYB-nin Gənclər üzrə katibinin yaşını göstərmək kifayətdir: Rəşad Məcid -55 yaş!.. Hansı ki, Gənclər üzrə katibin hüququ, yaşı 30-a qədər olan gənclərin məsələlərinə baxmağa çatır.
3. AYB-nin bölmələri (ikisi, üçü istisna olmaqla) sektorları, şuraları tamamilə ətalət vəziyyətindədir. Struktur fomal olaraq kağız üzərində qeyd olunub. Buna misal kimi Muğan bölməsini, Aran bölməsini, Şəki bölməsini, Qarabağ bölməsini göstərmək olar. Bu baxımdan da AYB-nin ümumrespublika fəaliyyəti yoxdur.
Bölgələrdə ədəbi mühit iflic durumdadır. Hazırda AYB aktiv fazada ancaq paytaxtda təmərküzləşib.
4. AYB-nin tabeçiliyində olan mətbu orqanların redaksiya heyəti tam işlək halda deyil. Yəni heyətdə olan şəxslərin çox qisminin vəzifəsini baş redaktorlar özü icra edir (məsələ materialı əldə edib baş redaktora çatdırmaqda deyil, vəzifəni icra etməkdir). Bütün görüləcək işləri baş redaktorlar bir - iki işçi ilə birgə həll edir ki, buna da yüksək keyfiyyəti əks etdirəcək bir həll - demək olmaz. Məsələn, "Azərbaycan" jurnalının, "Ədəbiyyat qəzeti"nin, "Ulduz" jurnalının adlarını çəkə bilərəm.
5. Dövlət büdcəsindən ayrılan pullar düzgün və ya səmərəli şəkildə istifadə olunmur. Qonorar hədsiz dərəcədə kiçik rəqəmlərdən ibarətdir.
Emil Rasimoğlu,
AYB-nin üzvü,
Prezident təqaüdçüsü
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Aydın Canıyev
Aydan Ay
Emil Rasimoğlu
KƏRAMƏT
Tural Turan
Sorğu
Portalımızı dəyərləndirin.
Çox oxunanlar