Xəbər lenti
Nigar Arif- "Fikir pəncərəsi..." -ŞEİR
Qapısı qıfıllı bir evəm bəlkə,
Özüm öz içimdən çıxa bilmirəm...
Manevr.az gənc şair Nigar Arifin şeirini təqdim edir:
Fikir pəncərəsi...
Yox, daha danışa, dinə bilmirəm,
Nə deyim dünyanın qara üzünə,
Bu şər vaxtına, axşam üstünə,
nə deyim?...
Nə deyim bu evdən, bu yoldan keçən,
Bu çarpaz yolların əlindən tutub,
Bu tozlu şəhərin soyuğundan, istisindən,
Maşınların tüstüsündən keçən,
Küçə-küçə lampaların işığından,
Gecə-gecə adamların içindən,
İçindəki adamların gözünden keçən,
Keçib-keçib sözə dönən
əyrisinə, düzünə,
Dünyanın güzgüsünə,
Güzgüsündə gördüyüm bu özümə nə deyim?...
Qır bu güzgünü, qır ömrüm-günüm,
Qoy gözüm görməsin ağlım kəsəni,
Nə olsun etməz adam hər ağlına əsəni?
Mən adam deyiləm, adam deyiləm...
Qapısı qıfıllı bir evəm bəlkə,
Özüm öz içimdən çıxa bilmirəm.
Bilmirəm...
Görəsən bu evin pəncərəsi hardadır?
De görüm o pəncərə açılır hara?
Götür fikrim apar məni,
Apar burdan uzaqlara.
Bəlkə pəncərələr de dilsiz evlərin qollarıdır, qolları.
Hər səhər, hər axşam
Gördüklərimizi bizə göstərməkçün deyil,
Görmədiklərimizi qucaqlamaq üçün açılır?..
Nigar Arif
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Aydın Canıyev
Aydan Ay
Emil Rasimoğlu
KƏRAMƏT
Tural Turan
Sorğu
Portalımızı dəyərləndirin.
Çox oxunanlar