Xəbər lenti
Tanınmış sənətçilər ölüm hökmünün bərpasını istədilər – “Ölüm hökmü olmalıdır!”
“Ölüm cəzası” cinayətkarlığın qarşısında sipərdir. Fikirləşmək yox, qəti qərara gəlmək lazımdır”.
Manevr.az xəbər verir ki, bu sözləri əməkdar artist, bəstəkar-müğənni Elza Seyidcahan “Yeni Müsavat”a açıqlamasında bildirib. Əməkdar artist xaq artisti Nürəddin Mehdixanlının fikri ilə razılaşdığını və ölüm hökmün bərpasının gərəkliliyini vurğulayıb:
“Əslində adət-ənənələr qanunlardan güclüdür. O bədbəxt və onun kimilər adət-ənənələrimizi sevib, qorusaydılar həyatlarını belə murdarlayıb, nəsil-köklərinin adını ləkələyib, zəhərləməzdilər. Hər birimizin bilməyə məcbur olduğu, amma təəssüf ki, heç birimizin bilmədiyi bir şey varsa, o da qanundur. Dünya qanunların sayəsində yaşayır. Əlbəttə ,cəmiyyət əxlaqlı olsa, qanunları daha asan tətbiq etmək olar. Məncə, hələ heç bir cinayətkar özünə təqsirkar deməyib. Hamı öz günahını etiraf etsəydi, onda lüğətdən günahkar sözünü çıxartmaq lazım idi.
Necə deyərlər, “Qanunlara əməl etməyən insandan zərərli heyvan yoxdur”. Ona görə də biz azad olmaq üçün, ilk növbədə qanundan güclü olmalıyıq. İnsan nə qədər gücsüz olsa da, özünə hökm etməyi bacarmalıdır. Çünki pis adamlar cəzadan qorxduqları üçün, yaxşı adamlar isə öz ləyaqətlərinə hörmət etdiklərinə görə, bəd əməldən çəkinirlər. Heç vaxt haqlının haqqı haqsızda qalmaz. Əbəs yerə deməyiblər: “Atom bombası müharibənin qarşısını almaqda ən təsirli vasitə olduğu kimi, ölüm cəzası da cinayətkarlığın qarşısında sipərdir. Fikirləşmək yox, qəti qərara gəlmək lazımdır. Bəs eşitməmisiz? Atalar deyib: "Qurda rəhm etmək, qoyuna zülm etmək deməkdir”.
Kinolarda görmüşük ki, elə həyatda da. Necə ki, yaralı heyvanı əzab çəkməməsi üçün güllələyirlər, eləcə də, elə cinayətkarlar var ki, onları bu əzabdan qurtarmaq üçün ölüm hökmü olmalıdır.
Xalq artistimiz Nurəddin Mehdixanlının fikri ilə razıyam. Allah eləsin Ki, günahkarlar olmasın, məhkumlar da azalsın. Amin. Nə qədər günahlar az olarsa, dünyamız salamat olar”.
Qeyd edək ki, bu günlərdə xalq artisti Nürəddin Mehdixanlı Sumqayıtda 55 yaşlı kişinin 8 yaşlı qızı zorlanması xəbərinə qəzəbini gizlədə bilməyərək, sosial şəbəkədə status yazmışdı. Xalq artisti ölüm hökmünün bərpasını istəmişdi:
“Ölüm hökmü qayıtmalıdır. Saysız qətl hadisələrinin və bu sayaq vəhşiliklərin əsas baş vermə səbəbi ölüm hökmünün ləğv edilməsidir”.
Xatırladaq ki, Sumqayıtda nənəsigilə qonaq gələn 8 yaşlı qız 55 yaşlı kişi tərəfindən qaçırılıb. Həmin şəxs uşağı aldadaraq, yaxınlıqda yerləşən restoranın arxasındakı zirzəmiyə apararaq, bir gecə orada saxlayıb. O, həmin gecə 8 yaşlı qızı zorlayıb. Faktla bağlı Cinayət Məcəlləsinin 150.3.3-cü maddəsi ilə cinayət işi başlanılıb, cinayəti törətməkdə şübhəli bilinən şəxs saxlanılaraq barəsində məhkəmə qərarı ilə həbs qətimkan tədbiri seçilib. İstintaq davam etdirilir.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar