Sizin Reklam Burada
Xəbər lenti
18-03-2024
17-03-2024
BÜTÜN XƏBƏRLƏR

Səfa Rəşid: "Bu yağışlar mən rəssamın fırçası..."

Tarix: 22-07-2019 18:23     Baxış: 2309 A- / A+
Səfa Rəşid: "Bu yağışlar mən rəssamın fırçası..."

İspaniyada yaşayıb-yaradan şair Səfa Rəşidin bu günlərdə "Ayrılığı sal yadıma" adlı şeirlər kitabı işıq üzü görüb. Qeyd edək ki, iyulun 28-i, saat 14-00-da "Azərkitab" təbliğat mərkəzində kitabın təqdimat mərasimi keçiriləcək.

Manevr.az Səfa Rəşidin yaradıcılığından bir neçə nümunəni təqdim edir:

***

Marisol, saçlarının ağında işıqlanır hər açdığın sabahlar...

Dünənin bu gününə əlvida kimidi.

Biz sovet adamları elə ola bilmirik, senyorina,

Bizim qapımızın zəngi çalınanda həyacandan ayaqustə ölənlərimiz olur.

Senyorina, bilirsən ?!

insan var, həm günəşi sevir, həm də yağışı,

Adam da var göz yaşlarında yaşamağı sevir...

və bir də yağışı sevənlər günəşi heç vaxt yağış qədər sevmir...

Bütün şəhərlər doğma olur zamanla,

Bütün insanlar ögey olur sevənə qədər.

Bütün şəhərlər yaddaşında saxlayır doğmalarını,

Bütün ögeylər unudur tanıdıqlarını...

Mən də bir şəhər buraxdım arxamca doğmalarla dolu,

Sonra ögey şəhərlərdə doğmalaşmağa adam gəzdim.

Bütün çəpərlər bölgülərdə kiçik xəritələr yaratdı,

Amma bütün xəritələr bir dunya xəritəsiymiş sən demə.

"Şəxsən özünə çatacaq" yazdığımız məktublar,

əldən ələ keçərək sahibinə yetişirdi.

İndi nə quş lələyi var , nə də ki,

möhtəşəmlik yaradan mürəkkəblə yazılan məktublar...

Sən də məni qınama bu uzaqlıqda...

Bir az xoşbəxlik gətir səhər yeməyimə.

Bir cüt təsəlli və bir ürək şəkli!


***

Bir şeir yazım sənə qıvrımsaç qız,

Bir öpüş olum saçlarının ucunda.

Ag çiynindən tökülən dəniz dalğası saçların üzümə toxunsun,

kipriklərin qayçı kimi kəssin baxışlarımı...

Oda salsın gözlərinin qarası...

Bir də, yağışlı havalarda çətir tutma nə olar.

Bu yağışlar mən rəssamın fırçası.


***

Pəncərəsi qırıq, yaxası dar ömrum

Sıxılır boğazı dar ağacından

Nəfəsim aynalarda yox olur,

Ruhum canını tapşırır son yarpaqlarda...

Hər şeyə son verir içimin arzuları,

Rahat yol keçidində çırpılır asfalt döşəmələrə.

Qanımı içib doymayan sevgi

Qəbristan yolunun on addımlığında ölur

Çiçək -çiçək buketlər yığılır sifarişlə.


***

Babalarımız paslı xəncərlərdən ölməyi,

güllə yarasından ölməkdən şərəfli sanardı.

Ölməyin şərəflisi olur, öldürülməyin yox,

Əgər sonunda Tanrıya qovuşmaq varsa,

Əzəmətli görünürsən Adəm övladı.

Bir yolluq seçimini et, azad rahat yaşamağı seç!

Çəpərlənmiş dunya xəritəsini

ayaqyalın gəzirdik bir vaxtlar.

Sonra şəkilli pasportumuzla

gömruk mayorunun sərt baxışında möhürlənməyə başladı hər addımımız.

Ey, Allahın azad bəndəsi, indi qəfəs halına şükür et,dualarını mələklərə eşitdir..


***

Hər şey yalqızlığımla başladı ve bitdi...

O gün kəpənəklər də yağmurda qanadlarını itirdi.

Torpaq suyunu kəsdi çox sonralar hər şeydən,

Çəmənliklərin sinəsinə sarılıq xəstəliyi daraşdı...

Sənin məktəbli çantanda qaldı mənim cızdığım ürək şəkli,

Nə sən ona adını yazdın, nə də mən yiyə dura bilmədim sonuna qədər.

Başım tətillərə qarışdı xəyallarımda,

Dunyanın ən uca zirvələrində şəkillər çəkdirdim səninlə.

Tez böyüdük...

Surət qatarlarında qəzadan sağ çıxdım

və bir gün təyyarə qəzasında sol qanadından qırıldım.

Pasportum ködəkcəmin cibində sənin şəklinlə açildi,

Qəzetlərin ilk səhifəsində yayımlandı fotolarımız.

Nə bəxtəvər kədəri vardı insanların...

və biz belə xoşbəxt ola bildik...

Səfa Rəşid

Manevr.az

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar