Xəbər lenti
Tural Turandan Aydın Canıyevə: "And olsun heykəllərin nəfəsinə..."
...Azadlıq həm də
anlamaqdan imtinadır, süzün!..
Manevr.az Tural Turanın bir şeirini təqdim edir:
ANLAMAQDAN İMTİNA
(Aydın Canıyev əfəndiyə)
Məscidlər sərilib yerə
Namaz qılır adamların ayaqları altında.
Ağlayan divarlar hücum çəkir sineqoqlara.
Daha kilsələr
şam işığından qorxmağa başlayıb
gözlərini itirmiş küçələrdə...
Bir udumluq ibadətdi
unudulmaq üçün içilən şərab da;
Tanrı uşaq deyil ki,
Odla qorxutsun onu yaradanları...
Alnımızdakı şeirləri
yedirtməkdir cəhənnəmi...
Şeir ən böyük yalansa,
ən gözəl qısa şeirdir tanrı...
Bu badəni də qaldıraq
müharibələrin sağlığına,
çünki o da zorlananlar siyahısındadır...
And olsun, heykəllərin nəfəsinə,
and veriləsi adam qalmayıb buralarda.
Bu yaşda insanlara inanmaq
qəbirdə özünlə sevişmək kimidir;
Çiyinlərindən və qollarından
bir qadın düzəldərsən özünə -
tanrının və ölümün acığına...
...Süzün əfəndim, süzün!
Çağırın,
göyərçinlər süfrə yoldaşımız olsun,
qəbirlər badə dostumuz.
Anlamadıqlarımızın sağlığına içək
bir az da.
Görmək ibadətdirsə,
anlamaq var-yox söyüşüdür.
...Azadlıq həm də
anlamaqdan imtinadır, süzün!..
Onsuz da bütün inanclar
günahları geyinib gedəcək,
yenə lüt qalacaq insan
gözlərindən aşağıda...
12 bürkü (iyul) 2019
Tiflis, Metexi məhəlləsi
Tural Turan
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Aydın Canıyev
Aydan Ay
Emil Rasimoğlu
KƏRAMƏT
Tural Turan
Sorğu
Portalımızı dəyərləndirin.
Çox oxunanlar