Xəbər lenti
Cavid Fərzəli:"Görən, Allah bilirmi yağış üzlü kişilər bədənindən ayrı düşür..."
Mənə bir ölüm doğmadır
bir də sən...
Manevr.az Cavid Fərzəlinin şeirini təqdim edir:
***
Küçələrin ürəyindəki xoşbəxtliyə yox,
azadlığa tərəf ayaq açır sənsiz hər günüm...
Üstünə döndüyüm pərdə buludlarda
sənsiz pəncərəm göz açmır səhərə.
Sən tərəfimin günü qaradı,
ağzı bıçaq kəsir sənsizliyin...
...Hər günün qapısı,
hər saatın ayağı
sənsiz kor bir ocaqdı.
Görən, Allah bilirmi
yağış üzlü kişilər
bədənindən ayrı düşür.
Hər qadınsız damın altı
dünya bir ev gecə düşür.
...Sağ qalan ağaclara tərəf yüyürmək
canından qopursa,
qanadları qırılmış yarpaqlar müharibə payızıdı...
Döndüyüm bütün yollar
sənə qayıdmaqdır.
Kaş ki, dənizlə sahil arası olaydıq,
aramızdan su keçməzdi bizim.
Nə xoşbəxt idik sevda olanda biz.
..nə aramıza ayağı dəyməzdi payızın,
nə mövsüm dəyişməzdi ürəyimiz.
İndi sənsiz küçələrə yağışlar əl tutubdur,
həsrətin evimin içində ev tikibdir,
gözlərin kor olduğum hər anıma arxa durubdur,
susqun olduğum hər saniyəmlə dil tapıbdır.
Mən indi bilmişəm
yaman şirin olurmuş ayrılığın dili,
Hamı ayağına düşürmüş öldüyü yolun.
Səni sevməksə
eyni rəng adamların
çiçək yuxusu deyil,
eyni sabahları oyanmaqdır...
Qoy, bir çiçək qopmasın ürəyin, baxışları solanım.
Gözlərin düşmən çəpəridir sənin,
yad güzgülərdə ölənim!
Küçələrin ürəyindəki xoşbəxtliyə yox,
azadlığa tərəf ayaq açır sənsiz hər günüm...
Üstünə döndüyüm buludlarda
pəncərəm göz açmır səhərə.
Hələ də
göz açan gecəyə sevirəm səni.
Mənə bir ölüm doğmadır
bir də sən...
Cavid Fərzəli
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar