Sizin Reklam Burada
Xəbər lenti
28-03-2024
27-03-2024
BÜTÜN XƏBƏRLƏR

Əsgərlərlə birgə yatan general, erməniləri darmadağın edən HÜCUM... – Ordumuzla bağlı TARİXİ FAKT

Tarix: 26-06-2019 14:34     Baxış: 3249 A- / A+
Əsgərlərlə birgə yatan general, erməniləri darmadağın edən HÜCUM... – Ordumuzla bağlı TARİXİ FAKT

Azərbaycanın Macarıstandakı səfiri, keçmiş xarici işlər naziri Vilayət Quliyev Milli Ordunun yaranması günü ilə bağlı maraqlı tarixi fakt paylaşıb.

Manevr.az xəbər verir ki, V.Quliyev Feysbuk hesabında yazıb:

“1919-cu ilin yanvarında bir neçə nəfər Parlament üzvü ilə birlikdə Dağlıq Qarabağdakı yeni hərbi hissələri ispeksiyaya göndərilən general Sadıq bəy Ağabəyov (1865-1944) hökumətə göndərdiyi raportda ürək ağrısı ilə yazırdı: “Qazax piyada alayının Əsgəranda yerləşən hissələri ilə tanışlıq məndə və Parlament üzvlərində son dərəcə ağır təəssürat yaratdı. Biz hissəyə axşam yoxlaması zamanı gəlib çatdıq. Əsgərlərdən bəziləri şinel əvəzinə, çox güman ki, evdən gətirdikləri köhnə, çirkli yorğanlara bürünmüşdülər. Bəziləri isə soyuqdan qorunmaq üçün ciyinlərinə kisə, yaxud çuval salmışdılar. Bir nəfərin ayaqları tamam yalın idi. Bir sözlə, bütün bunlar çox kədərli mənzərə yaradırdı. Əsgərlərin qaldığı yer yaşayış binasından daha çox it damını xatırladırdı. İçəri dəhşətli dərəcədə darısqal və çirkli idi. Binanın ortasında qalanmış ocağın tüstüsü adamın gözünü çıxarırdı. Ocaq təkcə qızınmaq yox, həm də içərini işıqlandırmaq üçün yandırılmışdı. Çünki lampa yox idi. Çarpayılar və yataq dəstləri də gözə dəymirdi. İki podpraporşikin yaşadığı zabit otağı da eyni vəziyyətdə idi - burada da lampa, çarpayı və yatacaq yox idi. Otaq zabitlərin öz pulları ilə aldıqları qara çıraqla işıqlandırılırdı”.

Eyni məlumatdan başqa bir ürəkağrıdan sitat: “...Xəstəxana yoxdur, müxtəlif kateqoriyalardan olan xəstələr eyni otaqda saxlanır, yoluxucu xəstəliklərə tutulanlar digərlərindən təcrid edilməmişdir. General Əfəndiyevin dediyinə görə, adamlar həftələrlə hamam üzü görmürlər. Ümumiyyətlə, Ağdamdakı hərbi hissələrin sanitar və gigiyenik vəziyyəti son dərəcə qeyri-qənaətbəxşdir”.

Əsgərlərindən bir an da ayrılmayan general Süleyman Əfəndiyev (1869-1919) Bakıda, gənc yaşında vəfat edən oğlunun dəfninə də getməmişdi. Az sonra özü də tif xəstəliyinə yoluxaraq ölmüşdü.

Belə acınacaqlı şəraitdə yaranan Azərbaycan Ordusu isə 1920-ci ilin martında Dağlıq Qarabağ uğrundakı döyüşlərdə Ermənistan ordusunu darmadağın etmiş, tərifli erməni generalı Dronu Ararat Respublikasının içərilərinə qədər qovmuşdu. Bu bir daha göstərir ki, savaşların taleyini həll edən silah-sursatdan çox insan faktoru, millət və vətən duyğusudur!

Ordu gününüz mübarək, Vətən qarşısında namus borcu olan 7-dən 77-yə bütün soydaşlar!”.
Əsgərlərlə birgə yatan general, erməniləri darmadağın edən HÜCUM... – Ordumuzla bağlı TARİXİ FAKT



Manevr.az

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar