Sizin Reklam Burada
Xəbər lenti
28-03-2024
27-03-2024
BÜTÜN XƏBƏRLƏR

Gürcüstan azərbaycanlıları ilə bağlı MÜHÜM ADDIM - ŞƏKİLLƏR

Tarix: 04-04-2019 19:51     Baxış: 3492 A- / A+
Gürcüstan azərbaycanlıları ilə bağlı MÜHÜM ADDIM - ŞƏKİLLƏR

Diasporla İş üzrə Dövlət Komitəsinin sədri Fuad Muradovun Gürcüstana növbəti səfəri zamanı Marneuli və Dmanisi rayonlarında bir sıra mühüm görüşlər keçirilib, tədbir və təqdimat mərasimləri olub.
Manevr.az-ın xəbərinə görə, Marneuli rayonunda Gürcüstan Azərbaycanlılarının İnteqrasiyası Mərkəzinin təntənəli açılış mərasimi keçirilib.

Tədbirdə Azərbaycan Respublikası Diasporla İş üzrə Dövlət Komitəsinin sədri Fuad Muradov, Gürcüstanın barışıq və vətəndaş bərabərliyi məsələləri üzrə dövlət naziri Ketevan Tsixelaşvili, Azərbaycanın və Türkiyənin bu ölkədəki səfirləri Dursun Həsənov və Fatma Ceren Yazqan, Gürcüstan parlamentinin deputatları Mahir Dərziyev, Azər Süleymanov, Savalan Mirzəyev, Kvemo Kartli-Borçalı bölgəsinin qubernatoru Şota Rexviaşvili və digər dövlət rəsmiləri, yerli ziyalılar, ictimai fəallar iştirak ediblər.

Dövlət Komitəsinin sədri F.Muradov tədbir iştirakçılarına Azərbaycan Prezidenti İlham Əliyevin salamlarını çatdıraraq, iki dövlət arasındakı dostluğun sarsılmaz olduğunu və münasibətlərin daha da möhkəmləndirildiyini bildirib.

F.Muradov xatırladıb ki, Marneulidə açılan inteqrasiya mərkəzi ilə bağlı təklifi ötən il yerli gənclər irəli sürmüşdülər: "Mərkəzin açılması olduqca vacib layihədir və ümid edirəm ki, bu məkan yerli azərbaycanlıları narahat edən bəzi məsələlərin həllinə dəstək olacaq”.

Ş.Rexviaşvili Marneulidə inteqrasiya mərkəzinin açılmasını mühüm hadisə adlandırıb və qeyd edib ki, Gürcüstan hökuməti azərbaycanlı vətəndaşların inteqrasiyasına böyük diqqət ayırır: “Gürcüstan və Azərbaycan xalqları tarixən dostluq və qardaşlıq şəraitində yaşayıblar. İki ölkə arasında strateji tərəfdaşlıq münasibətləri sabit inkişaf edir və Gürcüstan dövləti Azərbaycanla mövcud münasibətlərin möhkəmləndirilməsini dəstəkləyir”.

Gürcüstan Azərbaycanlılarının İnteqrasiyası Mərkəzinin icraçı direktoru Aygül İsayeva bildirib ki, “Mərkəzdə Azərbaycan, gürcü və ingilis dili, Azərbaycan və Gürcüstan tarixi tədris olunacaq, idman dərnəkləri fəaliyyət göstərəcək”.

Rəsmi açılış mərasimindən sonra qonaqlar GAİM-də yaradılmış şəraitlə tanış olublar.

Tədbirdən sonra jurnalistlərə açıqlamasında Diasporla İş üzrə Dövlət Komitəsinin sədri F.Muradov bildirib ki, Azərbaycan gələcəkdə də Gürcüstanda inteqrasiya mərkəzlərinin fəaliyyətinə dəstək göstərəcək. O, qeyd edib ki, Marneulidə açılan Gürcüstan Azərbaycanlılarının İnteqrasiyası Mərkəzində artıq 300-ə yaxın gənc qeydiyyatdan keçib: “Mərkəzdə 9 istiqamət üzrə kurslar keçiriləcək. Gürcüstanın azərbaycanlı gəncləri bilikli və savadlı olsalar, ölkənin ictimai-siyasi həyatında daha böyük rol oynaya bilərlər”.

Dövlət Komitəsinin sədri deyib ki, Gürcüstanda yaşayan azərbaycanlılar dövlətçiliyə sadiq, zəhmətkeş və vətənpərvərdirlər: “Azərbaycan və Gürcüstan birgə səylərlə Gürcüstan azərbaycanlılarının inteqrasiyası sahəsində böyük nəticələrə nail ola bilər

Bununla yanaşı Komitə sədrinin rəhbərlik etdiyi nümayəndə heyəti Dmanisidə də olub, bir sıra maraqlı görüşlər keçiriblər.

Heydər Əliyev Fondunun dəstəyilə inşa olunmuş "Dmanisi təhsil mərkəzi"nin fəaliyyəti ilə tanış olan Dövlət Komitəsinin sədri burada yerli icma nümayəndələri ilə görüşüb. Tədbirdə Dmanisi rayonunun meri Giorgi Tatuaşvili, Kvemo Kartli qubernatorunun müavini Kaxa Koberidze, Dmanisi bələdiyyəsindən Gürcüstan Parlamentinin deputatı Kaxaber Okriaşvili, Dmanisi rayon merinin müavini Arif Suleymanov, Barışıq və Vətəndaş Bərabərliyi üzrə Dövlət nazirliyinin şöbə müdiri Zviad Zviadadze, Xarici İşlər Nazirliyinin nümayəndəsi Tamar Tevdoradze, Azərbaycanın Gürcüstandakı səfiri Dursun Həsənov, SOCAR-ın Gürcüstan nümayəndəliyinin rəhbəri Mahir Məmmədov və digər rəsmi şəxslər iştirak ediblər.

Fuad Muradov bildirib ki, Gürcüstan Prezidenti Salome Zurabişvilinin Azərbaycana səfəri iki dövlət arasındakı münasibətlərin inkişafına təkan verib.

Komitə sədri qeyd edib ki, Diasporla İş üzrə Dövlət Komitəsinin Gürcüstanın Barışıq və Vətəndaş Bərabərliyi Məsələləri üzrə Dövlət Naziri Aparatı ilə birgə əməkdaşlıq planları hazırlanır və gələcəkdə həmin layihələr həyata keçiriləcək.

F.Muradov rəhbərlik etdiyi qurumun son zamanlar gördüyü işlər barədə də ətraflı məlumat verib. O, qeyd edib ki, Gürcüstana əvvəlki səfəri zamanı burada yaşayan soydaşlarımızın təhsil və sosial sahələrdə olan problemlərilə tanış olub, hazırda onların həlli üçün lazım olan bütün addımlar atılır.

Komitə sədri bildirib ki, Gürcüstanda yaşayan azərbaycanlılar üçün Azərbaycanın ali məktəblərində xüsusi kvota ayrılacaq və kvota üzrə universitetlərə qəbul olunacaq tələbələr ödənişsiz təhsil alacaqlar: “Kvotanın ayrılması ilə bağlı Azərbaycan hökumətinə müraciət olunub və Nazirlər Kabineti bu məsələni dəstəkləyib”.

O, qeyd edib ki, xaricdə yaşayan azərbaycanlılar üçün xüsusi olaraq “Azərbaycan dili və ədəbiyyatı” dərsliyi hazırlanır və dərsliyin yaxın zamanlarda təqdimatı keçiriləcək. Gürcüstan azərbaycanlıları bu dərslikdən istəsələr, onlar üçün də həmin dərsliklər göndəriləcək”.

Dmanisi Təhsil Mərkəzinin rəhbəri Diana Qaralova bildirib ki, hazırda orada 173 şagird təhsil alır. O, mərkəzin fəaliyyətinə göstərdiyi dəstəyə görə Heydər Əliyev Fonduna, Dmanisi rayon rəhbərliyinə və SOCAR-ın Gürcüstan Nümayəndəliyinə təşəkkürünü bildirib.

Gürcüstan parlamentinin deputatı Kaxa Okriaşvili bu ölkədə yaşayan insanların bərabərhüquqlu olduqlarını, azərbaycanlıların dostluq və qardaşlıq mühitində, dini və milli ayrı-seçkiliyə məruz qalmadan yaşadıqlarını qeyd edib. Xarici İşlər Nazirliyinin məsul əməkdaşı Tamar Tevdoradze ölkələrimiz arasındakı münasibətlərin inkişaf etdiyini, bu cür görüşlərin əlaqələrin daha da inkişaf etməsində mühüm əhəmiyyət daşıdığını vurğulayıb.

Görüşdə icma nümayəndələri ilə fikir mübadiləsi aparılıb, onların təklifləri dinlənilib.

Diasporla İş üzrə Dövlət Komitəsinin adından Dmanisinin 1 saylı məktəbinə və Pantiani (Armudlu) kənd məktəbinə 2 noutbuk hədiyyə edilib. Komitə sədri Fuad Muradov noutbukları direktorlar İnqa Abuladzeyə və Mövlud Məmmədova təqdim edib.

Azərbaycan nümayəndə heyətinin daha bir səmərəli görüşü Gürcüstanın Azərbaycanlı Əlilllər Assosiasiyasının üzvlərilə baş tutub.

Tədbirdə Assosiasiyanın sədri Rövşən Əliyev, 12 fiziki problemi olan soydaşımız, Gürcüstanın barışıq və vətəndaş bərabərliyi məsələləri üzrə dövlət naziri Ketevan Tsixelaşvili iştirak ediblər.

F.Muradov Assosiasiyaya H.Əliyev Fondunun hədiyyəsi olan 20 əlil arabasını təqdim edib.

Gürcüstanda keçirilən görüşlər sırasında “SOCAR Energy Georgia” MMC-nin kollektivi ilə olan görüş də ciddi əhəmiyyətə malikdi.

Görüşdə “SOCAR Energy Georgia” MMC-nin baş direktoru Mahir Məmmədov çıxış edərək, iki qonşu ölkə arasında əlaqələrin möhkəmliyindən danışıb və Gürcüstanda yaşayan azərbaycanlılarla daim sıx əlaqədə olduqlarını bildirib.

Sonra Diasporla İş üzrə Dövlət Komitəsinin sədri Fuad Muradov kollektivi salamlayıb, onların Gürcüstanda yaşayan azərbaycanlılara hər zaman qayğı göstərdiklərini qeyd edib.

Komitə rəhbərliyi “SOCAR Energy Georgia” MMC-nin kollektivinə bu ölkədə yaşayan azərbaycanlılara göstərdikləri dəstəyə görə təşəkkür plaketi təqdim edib.

Diasporla İş üzrə Dövlət Komitəsi sədrinin Gürcüstana səfəri zamanı Azərbaycan Diasporuna Dəstək Fondunun təqdimatı da olub. Təqdimatda Gürcüstanın azərbaycanlı icmasının nümayəndələri iştirak edib. Komitə sədri Fuad Muradov giriş sözü ilə çıxış edib, Fondun yaranma məqsədi və fəaliyyət imkanları barədə danışıb. Fondun icraçı direktoru Elşad Əliyev fond haqqında ətraflı məlumat verib. O, bildirib ki, diaspor təşkilatlarının, eləcə də xaricdə yaşayan ayrı-ayrı soydaşlarımızın layihələrinin həyata keçirilməsində fond əhəmiyyətli rol oynayacaq. Fondun icraçı direktoru Elşad Əliyev və Diasporla İş üzrə Dövlət Komitəsinin Gürcüstan və Türkdilli Dövlətlərlə İş üzrə şöbəsinin müdiri Anar Rəsulov həmyerlilərimizin Fondla bağlı suallarını cavablandırıblar.publika.az
Gürcüstan azərbaycanlıları ilə bağlı MÜHÜM ADDIM - ŞƏKİLLƏR

Gürcüstan azərbaycanlıları ilə bağlı MÜHÜM ADDIM - ŞƏKİLLƏR

Gürcüstan azərbaycanlıları ilə bağlı MÜHÜM ADDIM - ŞƏKİLLƏR

Gürcüstan azərbaycanlıları ilə bağlı MÜHÜM ADDIM - ŞƏKİLLƏR

Gürcüstan azərbaycanlıları ilə bağlı MÜHÜM ADDIM - ŞƏKİLLƏR

Gürcüstan azərbaycanlıları ilə bağlı MÜHÜM ADDIM - ŞƏKİLLƏR

Gürcüstan azərbaycanlıları ilə bağlı MÜHÜM ADDIM - ŞƏKİLLƏR



Manevr.az

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar