Sizin Reklam Burada
Xəbər lenti
24 mart
23 mart
BÜTÜN XƏBƏRLƏR

"Məktəbli oğlum “ana, mən axşam yeməyini yeməyim, sabaha qalsın"

Tarix: 14-03-2019 19:35     Baxış: 3247 A- / A+
"Məktəbli oğlum “ana, mən axşam yeməyini yeməyim, sabaha qalsın"


"Sizdən acizanə surətdə xahiş edirəm, övladları qaşısında aciz qalan bir anaya, tələbələrinin hər zaman hörmətlə xatırladığı bir müəllimə sahib çıxın!"

Manevr.az Səbail rayonu, Nemanzadə küçəsi, ev 35, mənzil 24A-da yaşayan Aynur Soltanağa qızı Əskərovanın Azərbaycan Respublikasının Birinci Vitse-prezidenti Mehriban xanım Əliyevaya yazdığı məktubu təqdim edir:

"Hörmətli Mehriban xanım!
Sizə övladlarının qarşısında çarəsiz qalan bir ana olaraq müraciət edirəm. Bilirəm ki, bir ananın iztirabları və acısını ən yaxşı Siz anlayarsanız.
Mən uzun illər Lənkəran rayonunda yaşamışam. Lənkəran Dövlət Humanitar Kollecində ixtisas üzrə müəllim işləmişəm. 2017-ci ildə ailə həyatımın dağılması nəticəsində məcburən Bakıya köçmüşəm. Bakıya köçdükdən sonra əvvəlcə paytaxtda yaşayan bacımın birotaqlı mənzilində məskunlaşdım. Bacımın iki və mənim də iki övladımla birlikdə darısqal mənzilə sığışmadığımız üçün kirayə mənzil tutmağa məcbur oldum. Ərimdən boşananda hər ikisi məktəbli olan oğlum və qızım mənimlə birgə yaşamağı seçdilər. İşsiz qadın olaraq, övladlarımı dolandırmaq, onların gündəlik ehtiyaclarını təmin etmək mənim üçün çox çətindir. Məhkəmənin mənə kəsdiyi 200 manat aliment kirayə pulunun ödənilməsinə güclə çatır.

Hörmətli Mehriban xanım!

Mən zəhməti ilə yaşamağı hər şeydən üstün bilirəm. Övladlarımı öz qazancım hesabına təmin etmək, onlara təhsil vermək üçün iş axtarmağa başladım. Bir neçə yerdə işlədim. Hətta fəhləlik də etdim. İstədim ki, övladlarımı halal qazancımla böyüdüm, onların kiminsə qarşısında başıaşağı, boynubükük olmasını istəmədim, istəmərəm. İşlədiyim müəssisələr ya bağlanması səbəbindən, yaxud rayona köçdüyü üçün işsiz qaldım. İndi ailəmdə elə vəziyyət yaranıb ki, uşaqlarımın gündəlik ərzağını almaq üçün böyük çətinliklər yaşayıram. Məktəbli oğlum "ana, mən axşam yeməyini yeməyim, sabaha qalsın. Çünki sabah sən yeməyə bir şey ala bilməyəcəksən” deyəndə mənim ana ürəyim parçalandı.

Hörmətli Mehriban xanım!

Siz hər zaman imkansız insanların yanında olub, onların problemlərini həll etmək üçün böyük diqqət və fədakarlıqlar göstərmisiniz. Mən də Sizə bu fədakarlığınıza görə müraciət edirəm. Sizdən acizanə surətdə xahiş edirəm, övladları qaşısında aciz qalan bir anaya, tələbələrinin hər zaman hörmətlə xatırladığı bir müəllimə sahib çıxın! Mənim ən böyük istəyim hardasa işləyib, öz zəhmətim hesabına övladlarımı böyütmək, onlarla birlikdə bir evə sığınmaqdır.
Qeyd edim ki, övladlarımın hər ikisi dərs əlaçısıdır. Müəllimlərinin hər zaman təriflədiyi şagirdlərdir. Sizdən çox xahiş edirəm, övladlarımın gözündəki gələcəyə ümid işığını sönməyə imkan verməyin!
Əminəm ki, bir ananın harayına səs verib, problemlərini həll etmək üçün yardımınızı əsirgəməyəcəksiniz”.

Manevr.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının ilk hərfini yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2019    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar