Xəbər lenti
Ukrayna mediasında Azərbaycanla bağlı məqalə - FOTO
Ukraynanın “versii.com” portalında Azərbaycanda 12 noyabr - Konstitusiya Gününə həsr olunan məqalə yerləşdirilib.
Manevr.az xəbər verir ki, məqalənin müəllifi həmvətənimiz, hüquq elmləri doktoru, Milli Aviasiya Universitetinin beynəlxalq hüquq kafedrasının professoru, Ukraynanın Əməkdar təhsil işçisi Arif Quliyevdir.
Məqalədə müstəqilliyin ilk illərində respublikamızda bütün sahələrdə xaosun, tənəzzülün yaşandığı dövrdə xalqın tələbi ilə hakimiyyətə qayıdan ümummilli lider Heydər Əliyevin ölkəmizi dinamik inkişaf yoluna çıxarmasından söhbət açılıb. Qeyd olunub ki, Ulu Öndərin misilsiz xidmətləri sayəsində bütün sahələrdə sürətli inkişaf yoluna qədəm qoyan müstəqil Azərbaycanın ilk Konstitusiyası 1995-ci ildə ümumxalq səsverməsi ilə qəbul edildi.
Diqqətə çatdırılıb ki, yeni Konstitusiyanın qəbulu Azərbaycan xalqının həyatında baş verən fundamental dəyişikliklərlə bağlı olub. Dövlət müstəqilliyini bərpa etdikdən sonra xalqımızın qarşısında duran vacib vəzifələrdən biri Azərbaycanın gələcək inkişafının əsas istiqamətlərini müəyyənləşdirmək üçün zəruri tədbirlərin həyata keçirilməsi idi. Ölkənin gələcək inkişafının konseptual əsasları və başlıca prinsiplərini əks etdirən yeni qanuna ehtiyac yaranmışdı.
Yazıda vurğulanıb ki, yeni Konstitusiya demokratik, dünyəvi, hüquqi dövlətin təməlini qoydu. Məhz bu konstitusiyanın qəbulu ilə ölkəmizdə insan hüquq və azadlıqlarının qorunması üçün möhkəm hüquqi baza formalaşdırıldı. Konstitusiyanın qəbul edilməsi təkcə yeni ictimai sistemin hüquqi cəhətdən tanınmasını təsdiq edən fakt deyil, eyni zamanda, Azərbaycan Respublikasının inkişafının keyfiyyətcə yeni mərhələyə keçdiyini göstərir. Azərbaycanın Konstitusiyası müasir mədəni cəmiyyətlərin inkişaf istiqamətlərini müəyyənləşdirən mütərəqqi fikir və dəyərləri geniş şəkildə əks etdirir./publika.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar