Xəbər lenti
"SAYIQLIQ əvəzinə BAŞISOYUQLUQ etdik" -Rəhman ORXAN yazır
Acı da olsa, həqiqət budur: bəzilərimizdə heç bir siyasi sayıqlıq, lazımi qədər geniş düşüncə yoxdur. Çünki özümüz üçün yox, bilməzlikdən, ya qəsdən düşmən tərəfi üçün "işləyirik"!
Çox-çox təəssüflər ki, X siniflər üçün builki “Ümumi tarix” dərsliyinin rusca versiyasında uydurma “Böyük Ermənistan” ərazisini əks etdirən xəritə neçə gündür ki, saytlarda tirajlanmaqda davam edir. O bədnam xəritə hər yerdən TƏCİLİ silinməlidir.
Çünki bu boyda ölkənin tarixçiləri, ziyalıları yığışıb SAYIQ-lıq göstərmək istədilər, ancaq həmin xəritəni saytlarda geninə-boluna verməklə qaş düzəldən yerdə vurub "gözü" də çıxartdılar. SAYIQ-lıq əvəzinə başıSOYUQ-luq etdik.
Çox istədim ki, o bədnam, murdar "ARMENİYA" sözü yazılmış xəritəni saytlarda göstərməyək, ermənilərin əlinə girəvə verməyək. Və indi SAYIQ-lığı itirməyimiz, bacarmamağımız, kiminsə səhvini tutmaq, cəzalandırmaq üçün "canfəşanlıq" etməyimiz, bilirsinizmi, nə ilə təhlükəlidir? Yəqin ki, ermənilər əlüstü həmin xəritənin şəklini saytlarımızdakı görüntüləri ilə birlikdə çəkdilər və indi bütün dünyaya bar-bar bağıracaqlar ki, baxın, azərbaycanlılar özləri "dokumentalnı-subutalnı" etiraf edirlər ki, Azərbaycanın indiki bütün ərazisi vaxtilə Ermənistan ərazisi olub. Axı, xaricdəki "ermənipərəstlər" orda azərbaycanca yazılanları, şərhi oxuya bilməyəcəklər və buna heç səy də göstərməyəcəklər, istəməyəcəklər də. Onlar vizual olaraq ilk növbədə xəritəyə baxacaqlar və görəcəklər ki, "həqiqətən" Azərbaycan özü təsdiq edir ki, o torpaqlar Ermənistanın olub. Bunumu istəyirdiniz, cənab tarixçilərimiz, alimlərimiz, digər ziyalılarımız? Niyə bu düzəlişi səssiz-küysüz, sakitcə eləmək istəmədiniz? Gərək o başabəla xəritənin şəklini də verəydiniz saytlarda? Niyə düşmən dəyirmanına su tökürsünüz? Niyə daşnakların necə reaksiya verəcəyini zərrəcə də nəzərə almadınız və indi ölkəmizi, xalqımızı çıxılmaz vəziyyətdə qoyursunuz?
Axı, bu alçaq erməni hələ nə vaxta qədər deyəcək ki, "müsəlmanın sonrakı ağlı mənim olaydı"?.. Hərgah indi deyəsən, heç "sonrakı ağlımız" da yoxdur.
...Yaxşı olardı ki, o bədnam, əleyhimizə olan xəritə saytların səhifələrindən təcili, təxirə salınmadan çıxarılaydı və onun müzakirəsi ancaq müvafiq elmi və təhsil idarələrində aparılaydı.
Rəhman ORXAN.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Aydın Canıyev
Aydan Ay
Emil Rasimoğlu
KƏRAMƏT
Tural Turan
Sorğu
Portalımızı dəyərləndirin.
Çox oxunanlar