_99.jpg)
Xəbər lenti
Maaşı verilməyən işçi hara şikayət etməlidir?
Vətəndaş məvacibini işlədiyi yerdən aylardır ala bilmir. O, maaşının verilmədiyinə görə, həmin iş yerindən öz istəyi ilə çıxıb. Bununla belə, işçiyə yenə də məvacibi verilməyib. Belə olan halda, vətəndaş iş yerindən gecikdirilən maaşını almaq üçün hara müraciət, yaxud şikayət etməlidir?
Mövzu ilə bağlı vəkil Cavid Rzayevlə əlaqə saxladıq.
Vəkil bildirib ki, əgər işçi öz istəyi ilə işdən ayrılıbsa, bu zaman son haqq-hesab olunmalıdır: “İşçiyə əmək kitabçası verilir. Onunla son haqq-hesab olunur və ödəniləcək məbləğ hesablanır”.
Onun sözlərinə görə, əgər işçi ilə son haqq-hesab olunmasa, o, birinci növbədə, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə müraciət etməlidir: “Əmək Müfəttişliyi işçinin şikayəti əsasında araşdırma aparır. Müfəttişliyin təsir rıçaqları var. O, işə götürənin izahatını ala, ona inzibati tənbeh tətbiq edə bilər”.
C.Rzayev qeyd edib ki, Əmək Müfəttişliyi işçinin gecikdirilən maaşının geri qaytarılmasına nail ola bilməyəcəyi təqdirdə, vətəndaş son nəticədə məsələ ilə bağlı məhkəməyə müraciət edə bilər: “Vətəndaş Əmək Müfəttişliyinin araşdırma materialları ilə birlikdə məhkəməyə müraciət edə bilər”. e-huquq.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar