Xəbər lenti
Bakıda məcburi köçkünlərin evləri yandı - Onlara yeni mənzillər veriləcək - VİDEO
Bakıda yanğın baş verib. Bir evdə başlayan yanğın zəncirvari olaraq daha 4 evə keçib.
Manevr.az-ın məlumatına görə, hadisə gecə saatlarında paytaxtın Sabunçu rayonu Zabrat qəsəbəsində baş verib.
Sovet vaxtı Balaxanı Neft İdarəsinə məxsus traktor parkının qarajında məskunlaşan Kəlbəcər və Zəngilan rayonundan olan məcburi köçkünlərin məskunlaşdıqları evlərdən birində qəfil yanğın başlayıb. Sakinlər yanğını görüb dərhal evdən uşaqları və qocaları götürüb çıxıblar. Onlar daha sonra əşyalarını çıxarmaq istəsələr də, alov qısa bir zamanda digər evlərə keçib və miqyası böyüyüb.
Hadisə yerinə Sabunçu rayon Dövlət Yanğından Mühafizə Xidmətinin və Xüsusi Riskli Xilasetmə Xidmətinin xilasediciləri gəliblər. 4 yanğınsöndürən avtomobil və xeyli sayda canlı qüvvənin müdaxiləsi ilə yanğın söndürülüb və daha geniş əraziyə yayılmasının qarşısı alınıb. Hadisə yerinə baxış zamanı məlum olub ki, yanğın bir-birinə bitişik tikilmiş, arakəsmə divarları taxta konstruksiyalardan olan 5 ailənin məskunlaşdığı 4 tikilidə baş verib.
Fövqəladə Hallar Nazirliyindən verilən məlumata görə, məcburi köçkünlərin məskunlaşdıqları bir dam altında tikilmiş, ümumi sahəsi 1140 kvadratmetr olan birmərtəbəli tikilinin yanar konstruksiyaları 670 kvadratmetr sahədə yanıb. Tikilinin qalan hissəsi yanğından mühafizə olunub. Yanğının ilkin ethimal kimi elektrik xətlərindəki qısaqapanmadan baş verdiyi bildirilir.
Qaçqınların və Məcburi Köçkünlərin İşləri üzrə Dövlət Komitəsindən verilən məlumata görə, yanğın barədə məlumat alandan dərhal sonra Dövlət Komitəsinin məsul əməkdaşları hadisə yerində olublar. Yanğın nəticəsində müvəqqəti məskunlaşma yerləri yararsız vəziyyətə düşən məcburi köçkünlər siyahıya alınıblar.
Dövlət Komitəsi yanğından zərər çəkən ailələrə Qaradağ rayonu ərazisində məcburi köçkünlər üçün salınmış "Ümid" qəsəbəsində yeni mənzillər təklif edəcək.
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar