Sizin Reklam Burada
Xəbər lenti
28-03-2024
27-03-2024
BÜTÜN XƏBƏRLƏR

Gənc tədqiqatçı beynəlxalq virtual elmi konfransda iştirak edib

Tarix: 22-06-2020 14:14     Baxış: 3431 A- / A+
Gənc tədqiqatçı beynəlxalq virtual elmi konfransda iştirak edib

Qərbi Kaspi Universiteti “Beynəlxalq münasibətlər” kafedrasının müəllimi, Bakı Dövlət Universitetinin doktorantı, gənc tədqiqatçı Tural Vəlizadə iyunun 22-də Bakı Dövlət Universitetinin təşkilatçılığı ilə Faşizm üzərində qələbənin 75 illiyinə həsr olunmuş “Azərbaycan II dünya müharibəsi illərində” mövzusunda Beynəlxalq Virtual Elmi Konfransda iştirak edib.

Tural Vəlizadə beynəlxalq tədbirdə “Azərbaycanlıların Şərqi Avropada partizan hərəkatında iştirakı” mövzusunda məruzə ilə çıxış edib. O, məruzəsində faşizm üzərində qələbənin qazanılmasında Azərbaycan xalqının öz sanballı töhfəsindən, azərbaycanlı çağırışçı və könüllülərdən ibarət milli diviziyaların Qafqazdan Berlinədək əşanlı döyüş yolu keçməsindən, Rusiya, Ukrayna, Moldova və Belarusun, Baltikyanı respublikaların, Şərqi Avropa ölkələrinin hitlerçilərdən azad edilməsində, Qərbi Avropada genişlənən müqavimət hərəkatının uğur qazanmasında həmyerlilərimiz mühüm rol oynamasından, həmyerlilərimizin partizan və müqavimət hərəkatında da fəallıq göstərərək Ukraynada, Belorusiya, Polşada, Çexoslovakiyada, Macarıstanda, Yuqoslaviyada və İtaliyada partizan dəstələri sıralarında, Fransa antifaşist müqavimət hərəkatında igidliklə vuruşmasından bəhs edib.
Gənc tədqiqatçı beynəlxalq virtual elmi konfransda iştirak edib
Tural Vəlizadə

T.Vəlizadə təəssüflə qeyd edib ki, müharibə dövründə, eləcə də ondan sonrakı illərdə Avropa Antifaşist Müqavimət Hərəkatının əhatə etdiyi ölkələrin ali hökumət orqanları və hərbi komandanlıqları tərəfindən hərəkatda fəal iştirak etmiş azərbaycanlı partizanların şücaət və igidliklərini təsdiqləyən şəhadətnamələr (sertifikatlar) onlara təqdim olunması üçün Sovet İttifaqına göndərilsə də, bu əhəmiyyətli sənədlər uzun illər arxiv fondlarında gizlədilib.

Müharibə illərində alman faşistlərinə əsir düşmüş, lakin qaçmağa nail olan və partizan hərəkatına qoşularaq fədakarlıq nümunələri göstərmiş bir çox həmyerlilərimiz Vətənə qayıtdıqdan sonra uzun illər incidilib, onlara sovet hakimiyyəti tərəfindən inamsızlıq və etimadsızlıq nümayiş etdirilib.

Gənc tədqiqatçı öz elmi məruzəsində Müqavimət Hərəkatının sıralarında olan azərbaycanlıların bütün döyüş fəaliyyətlərinin bütün dünyaya yüksək mənəvi və döyüş keyfiyyətlərini, ümumi düşmənə qarşı mübarizədə cəsarət və sədaqəti əyani şəkildə nümayiş etdirdiyini xüsusi olaraq qeyd edib. Fransa, İtaliya, Yuqoslaviya və digər Avropa ölkələrində azərbaycanlıların aldıqları orden, medal, diplom və sertifikatlar Avropa Müqavimət Hərəkatı
sıralarında faşizmin məğlubiyyətinə töhfə verən Azərbaycan oğullarının xidmətlərinin və döyüş nişanələrinin bariz nümunəsidir.

Qeyd edək ki, “Azərbaycan II dünya müharibəsi illərində” adlı beynəlxalq elmi konfransın məqsədi faşizm üzərində qələbənin 75-ci ildönümü ilə bağlı bu mövzuda təcrübə və tədqiqat nəticələrinin mübadiləsi üçün dünyanın aparıcı akademik qurumlarının alim və mütəxəssislərini bir araya gətirmək, tədqiqatçılara son elmi yenilikləri, o cümlədən azərbaycanlıların bu müharibədə iştirakının, verdiyi sanballı töfhələrin təqdimatı və II Dünya müharibəsi ilə bağlı ümumi müzakirələr aparmaq üçün platforma təqdim etməkdir.

Manevr.az

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar