Xəbər lenti
“Müsəlman alimlərinin elm və texnologiyanın inkişafına töhfələri” mövzusunda konfrans keçiriləcək
Azərbaycan İlahiyyat İnstitutu (Aİİ) və Bakı Yunus Əmrə İnstitutu ilə birgə 29 noyabr 2019-cu il tarixdə “Müsəlman alimlərinin elm və texnologiyanın inkişafına töhfələri” mövzusunda konfrans keçiriləcək.
Qeyd edək ki, Konfransın keçirilməsində məqsəd müsəlman alimlərinin elm və texnologiyaya verdikləri töhfələrin araşdırılması, həmçinin bu istiqamətdə fəaliyyət göstərən alim və mütəxəssislərin tədqiqat işləri, məlumat və təcrübə mübadiləsi üçün platforma təşkil etməkdir.
Tədbirdə Türkiyə Respublikasının Azərbaycan Respublikasındakı Fövqəladə və Səlahiyyətli Səfiri Erkan Özoral, Yunus Emre İnstitutunun müdiri Cihan Özdemir, Kırıkkale Universitetinin rektoru, professor Ersan Aslan, prof. Fuat Sezgin, İslam Elm Tarixi Araşdırmaları Fondunun rəhbəri Mecit Çetinkaya, Ahmet Yesevi Universitetinin Qəyyumlar Şurasının sədri prof. Musa Yıldız, Kırşehir Ahi Evran Universitetinin rektoru prof. Vatan Karakaya, millət vəkilləri, AMEA və dövlət qurumlarının rəsmiləri iştirak edəcəklər.
Konfrans “Antik yunan və Roma filosoflarının əsərlərinin İslam mütəfəkkirlərinin yetişməsində rolu”; “Müsəlman Şərqində elmin inkişafına Qurani-Kərimin və ərəb dilinin təsiri”; “Bəşər sivilizasiyasının inkişafında türk-müsəlman alimlərinin rolu”; “Müsəlman dünyasında elmin inkişafında kitabxanaların rolu”; “Müsəlman alimlərinin elm və texnologiyaya töhfələri araşdırma və təlim sahəsi kimi: metodoloji məsələlər, tarixi mənbələr, sənədlər və artefaktlar, mövzu üzrə akademik əməkdaşlıq”; “Dəqiq, təbiət və humanitar elmlərin inkişafında türk-müsəlman alimlərinin xidmətləri”; “Türk-müsəlman alimlərinin elmi və fəlsəfi əsərlərinin dünya dillərinə tərcüməsi”; “Müasir dövrdə elm və texnologiyanın inkişafında türkdilli dövlətlərin rolu: prioritetlər və gözləntilər” istiqamətlərini əhatə edəcək.
Konfransın materialları kitab şəklində çap olunacaq.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar