Xəbər lenti
"Adam ən çox yalan danışdığı qadına qovuşarmış..." - Emil Rasimoğludan yeni şeir
***
Yenə dipcəkdə bir qapı cücərdi,
bir pəncərə yarpaqladı divardakı təqvimdə.
Gördüm ki,
bu gün də günəş düşür adımın üstünə.
Amma elə hey
gözümə bir gecə dəyir,
ayağıma bir küçə...
Güzgüdən boylanan yaş ağaclar quruyur,
quruyur üstümdən asdığım otağdakı
köhnəlmiş doğum günümü,
ayaqlarımdakı payızı sevindirmək üçün...
Ehh...
o biri otaqdasa
doğulur anamın əlləri
atamın masasında
Bir anda ölür kişi tənhalığı
rənglərin həbs olduğu şəhərdə.
Düşünürəm;
Əslində
adam ən çox yalan danışdığı qadına qovuşarmış...
Sonra
baxıram qapımdakı kilidə,
kilidin içindən keçən qatarlara,
heç biri dayanmır adımın yanında.
Yaşımdan utanır dualar,
yağışlar diş çıxardır sobaya sarı,
qarşımdan üzür bir qayıq...
Çağırıb bir şamı soruşuram;
bu gecə bu evdə nə gəzir,
bu küçə bu evdə nə gəzir?
ağlayıb göz yaşı tökür qolumdakı saata,
diksinir anamın üzünün qırışı,
atamın içdiyi sudakı tilov...
Birdən gözüm ayaqqablarıma sataşır,
və bir də ki,
qanadları görünən boş qalmış bir stola...
Emil Rasimoğlu
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar