Xəbər lenti
Elman Tovuz: "Bəlkə də ən dərin yaranam, Tanrım..."
Boynumdan asılan Quranam, Tanrım,
Dilimdən düşməyən “Turan”am, Tanrım.
Bəlkə də ən dərin yaranam, Tanrım, -
Mən özüm özümə dar ağacıyam.
Manevr.az Elman Tovuzun şeirlərini təqdim edir:
Dar ağacıyam
Özgə dar ağacı nəyimə gərək,
Mən özüm özümə dar ağacıyam.
Əlim göyə çatmır, ayağım yerə,
Mən özüm özümə dar ağaəcıyam.
Başımın üstündən göy uçanacan,
Ayağım altından yer qaçanacan -
Asılıb qalacam eyyy... Haçanacan...
Mən özüm özümə dar ağacıyam
Alnımdan asılan alın yazımdı,
Sinəmə sıxılan dərdli sazımdı.
İçimə qısılan öz avazımdı...
Mən özüm özümə dar ağacıyam.
Yer verib, yuvası basılan da mən,
Qılıncı qınında paslanan da mən.
Asan da özüməm, asılan da mən –
Mən özüm özümə dar ağacıyam.
Arazam – gözümdən axıb tökülən,
Təbrizəm – dilindən dara çəkilən,
Göyçəyəm – gözləri mənə dikilən...
Mən özüm özümə dar ağacıyam.
Özbəyəm, qırğızam...
Hər türk mənəmsə,
Başı kötük üstə kərkük mənəmsə,
Ruhundan asılan bu YÜK mənəmsə,
Mən özüm özümə dar ağacıyam.
Boynumdan asılan Quranam, Tanrım,
Dilimdən düşməyən “Turan”am, Tanrım.
Bəlkə də ən dərin yaranam, Tanrım, -
Mən özüm özümə dar ağacıyam.
***
(Ramiz Rövşənə)
“Bu sulara kim daş atdı?”,
Sular əzildi daş altda...
Daşı qoydular baş altda,
Durulmur suyum, durulmur...
Yerim göydən yuxarıdı,
Göyüm yerin axarıdı...
Buludu qan buxarıdı, -
Durulmur göyüm, durulmur...
Quzeyimdə qarım qalın,
Güneyimdə canım qalıb.
Bu geyimdə yarım qalıb,
Durulmur boyum, durulmur...
Bir kef deyir, dur, evə çıx,
Evdən yaraqlan ova çıx...
“ev”– ə ,“ov”– a bu yol açıq,
Durulmur soyum, durulmur...
Elman Tovuz
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar