Sizin Reklam Burada
Xəbər lenti
15 oktyabr
14 oktyabr
BÜTÜN XƏBƏRLƏR

Şorgöz kişinin saxladığı arvad kimidir otel otaqları - ŞEİRLƏR

Tarix: 01-10-2019 18:55     Baxış: 487 A- / A+
Şorgöz kişinin  saxladığı arvad kimidir otel otaqları - ŞEİRLƏR


Manevr.az Tural Turanın yeni şeirlərini təqim edir:

30-cu sinif

Bağçaya getdim - anamın yanına.

Birinci sinifdə atamı öyrəndim.

İkinci sinifdə sevdiyim qızı...

Üçüncü sinifdə müəllimimin

ömür yolunu hərflədim.

Dördə keçəndə babamı əzbərlədim.

Beşi bitirəndə atasını itirmiş
dostumla müharibəni xətm elədim.

Altıncı sinifdə artıq böyümüşdüm.

Yeddincinin qış tətilindən

qocalmağa başladım.

Indi otuzuncu sinifdəyəm,

Öldüyümü özümə deyə bilməmişəm hələ...

Yas sayaqlaması

(Bacımın ölümünə)

Bir çılpaq ev də olmadı,

Məni əyninə geyinə.

Ölməyi də bacarmadım,

Ala bir məzar, döyünə...

Heç tabut da olammadım,

Boş gedib aldadam qəbri;

Ya da tanrını aparıb,

Basdıraydım diri-diri...

..."Alın yazı" demə ona,

Bir ömrün kino mətnidi.

Gedəcəyin qəbir deyil,

Doğmayan ana bətnidi...

Maestro

(Şair Fuad Cəfərliyə)

Pianodan çıxan kor səsləri

güllələyir qulaqlarım.

Mənim dilimdə anlamayan notların

qanı tökülür royal üstə...

Maestronun barmaqları hönkürür

qulağımın dibində...

Qocalıq bağışlamır, ustad.

Bağışlamır, atasız rənglərin günahlarını.

Bağışlamır əlil notların partizan savaşını.

Qocalıq, tanrını da bağışlamır ustad,

ya nəfəsindən güllələnir baramaqlar,

ya da asır özünü,

küçələrdə itkin düşmüş

körpə təbəssümlərindən...


Yandır, əlini bağışla

Mən ki, sənə inanmışdım,

Məni yox, dini bağışla.

Öldüm, yenə də boy atdım,

Öldüyüm günü bağışla.

Acıma hələ, acıma -

Bu sevginin arxacına.

Qibləm bir ölüm ağacına,

Getdiyim yönü bağışla.

Bircə yanımlıq canım var,

Yandır, görməsin buludlar...

Göydə tanrı dəli olar,

Yandır, əlini bağışla...


Adamın öz evi...

(Bütün evsizlərə)

Şorgöz kişinin

saxladığı arvad kimidir otel otaqları,

Bir-birinə qarışar qoynundakı qoxular.

...Geri dönüncə öz evin baxmaz üzünə,

bəzən özü özündən küsüb gedər...

Bəzən də elə darıxar ki,

tavanı sinənə sərilib yuxular...

Döşəməsi uzanar altına,

çəkər nəfəsini içinə ki,

yazıqdı, yorğun gəlib...

Pəncərələr yumar gözlərini

əynini dəyişəndə utanmayasan;

pərdələr qol-qola girər...

Qapı kirlədər özünü,

burada adam yaşamır- deyə...

Sən oyanınca

yenidən başlayar umu-küsü...

Adamın öz evi,

xəyanət qorxusuyla çox uzaqlaşmaz,

hətta otel otaqlarını da bağışlar

səndən və özündən qorxduğu üçün...

Tural Turan








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının ilk hərfini yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar