Xəbər lenti
Tural Turan – Bir cümləlik hekayələr
Anamın “culaccino” xəstəliyinə görə 12 yaşımdan evdə çay və su içməyi tərgitdim.
***
Hər gecə yuxudan hövləng ayılır, tanrı ilə bir-iki qədəh şərab içir, sonra yenə yatırdım.
***
3 kvadratmetrlik bir kişi saç salonuna girdim və bütün divarlarında çılpaq qadın şəkilləri...
***
Son nəfəsimdir və möhtəşəmlik çökür...
***
Ermənilər kəndimizi işğal edən gün Armayıs usta babamdan adını itimizə qoyduğumuz köpəyin mıx yerini soruşub bizim kişini sərbəst buraxmışdı...
***
Mənə qədər bütün körpələr dil açmamışdan əvvəl anaları ilə tanrının dilində danışırdı.
***
O, arvadının ölümündən sonra özünü azadlıqdan məhrum etmişdi...
***
Övlad qatili Abdullətifov məhkəmənin qərarı ilə keçmiş həyat yoldaşına verilmiş 6 yaşlı oğlunu öldürdükdən sonra övladının çarpayının üstündəki şəklini götürüb otaqdan çıxdı.
***
Öldürdüyüm əsgərin cibindəki mobil telefonu çıxardıqdan sonra anasına zəng edərək boğula-boğula valideynlərimin intiqamını aldığımı dedim.
***
Oğlunu müharibədə itirən din xadimi azan səsinə rəqs etdikdən sonra cənazəni yumağa başladı.
***
Qurban bayramı günü kəsəcəyimiz toğlunu parçalayan canavar gözünü bizdən çəkmədən yeddi körpə balası ilə onun içalatını didişdirirdi...
***
Əslində çılpaq fahişə bədənləri hər gün onlarla bədbəxt kişinin oxumağa çalışdığı əski yazılı daş abidələrdir.
***
Ekspertin onun cibindən tapdığı kağız parçasında - ölüm insanın tanrı qarşısında sonuncu gedişidir - yazılmışdı.
***
Yuxarı məhlədəki qonşumuz Vazgen əmi tanımadığım adamlarla evimizə girib qundaqdakı qardaşıma - Türkaya 3-4 güllə sıxdıqdan sonra qonaq otağımızdakı kökdən düşmüş pianomuzu dınqıldatdı və oynamağım üçün mənə 5 rubl şabaş verdi...
Tural Turan
2019
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Aydın Canıyev
Aydan Ay
Emil Rasimoğlu
KƏRAMƏT
Tural Turan
Sorğu
Portalımızı dəyərləndirin.
Çox oxunanlar