_99.jpg)
Xəbər lenti
Moskvada Avropada ən hündür göydələn inşa olunacaq
Rusiya paytaxtının "Moskva-Siti” Beynəlxalq İşgüzar Mərkəzinin ərazisində unikal yaşayış göydələninin tikintisinə hazırlıq işləri başlayıb.
Hazırda test dirəklərinin qurulması və özülün hasarlanması işləri aparılır. Moskva merinin şəhərsalma siyasəti və inşaat məsələləri üzrə müavini Marat Xusnullin deyib: "Bu, çox mürəkkəb və iddialı layihədir. Mən əminəm ki, bina yüksək keyfiyyətlə və vaxtında inşa ediləcək”.
O qeyd edib ki, "One Tower” qülləsi Avropada ən hündür yaşayış binası olacaq.
"Mosinjproyekt” şirkətinin baş direktoru Mars Qazizullin qeyd edib ki, monolit konstruksiyalar quraşdırılan zaman binanın konstruksiyasına bərkidilən üç qüllə kranından istifadə olunacaq.
Qazizullin deyib: "Tikilinin sahəsi 0,8 hektardır. İnşaat işlərinin ən qızğın çağında obyektdə azı 2 min adam çalışacaq”.
Layihədə yeraltı avtomobil dayanacağı ilə çoxfunksiyalı hündür yaşayış kompleksinin – qradiyent şüşə fasadları olan əyilmiş prizma formasında göydələnin tikintisi nəzərdə tutulub. Qüllənin ümumi hündürlüyü 405 metr təşkil edəcək, stilobatın hündürlüyü 80 metr olacaq. Binada 101 yerüstü və üç yeraltı mərtəbə nəzərdə tutulub.
Yeni göydələn "1-ci Krasnoqvardeyski” keçidi ərazisində, "Merkuri” və "Qrand Tauer” qüllələrinin yaxınlığında yerləşəcək. Binanın stilobat hissəsində biznes-mərkəz, mağazalar, restoranlar, uşaqlar üçün asudə vaxt mərkəzi, mərtəbələrində isə mənzillər yerləşəcək. 100-cü mərtəbə səviyyəsində müşahidə meydançası yaradılacaq. Gələcək göydələn "Moskva-Siti” ərazisindəki "Federasiya qülləsi” binasından 33 metr hündür olacaq. (Azərtac)
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar